“Antotan lanti ey, dapot labat no ontawen tan napatawen to itayo met!” kuandan masibeg iray Hermanas na Venerable Orden Tercera nen akabatan da rayan masalamsam a panagtepel to.
“Dudusaey Virgen na Kareenan!” kuanda balet a tatalabutobey Hermanas na Smo. Rosario, ta agda napirdona ed inkiling tod saray katagam da.
A las otso y media ed kabuasan, pinmaway so libot
a dinmalan ed silong ton may impaalagey a tolda. Mialaan lan lamang ed samay libot nen agew ya imbeneg.
saksakey labat so akidumaan to no bilang, ta saray
kalamanay togiop na Venerable Orden Tercera mamasiken, akukulaw, tan bibiin magkapapaol met lara ya
akakawes iray abiton gingon; saramay mairap, mamura
tan magasal so abel na abito ra, sara balet so walaan,
sutla, odino samay abel a tatawagen day gingon na pransiskano, maniapod sikatoy ikakana ray magalang a paparin pransiskano. Amin da ra nian masagradon abito,
aliwa ra labat a inalig no agta petepeteg iran abito, ya
nanlapo rad konbinto ray paparin pransiskano ed Ibale
ya diman ira sasaliwen a singa bilang pasen day payabol
odino panangasi ed saray manaliw, balet ta say bill ra
prix fixe ono “prision anggapo lay tawal” a kuan, no
nayarin ikana diay salitad tindaan, ya sayan prisio nayari nin ontagey nen say nabawasan. Wala met irayan
abito ya tagilako ed konbinto tan monasterio(1) na
Santa Clara,(2) ya sarayan kawes anta wala la lanti
grasia ran makapangiter na akamayamay ya indulginsia
ed saray inaatey no ibalabag a pangiponpon ed sikara,
lalon mas mabli ra no dagdaan ira ono asuysoy, ono
natitiming lara ta mas dakel ni lamet so niiter dan
grasia. Ikukurit miya agla piga no walay masantos a
manbabasa nia ya mankaukolan ira nian masagradon
relikia ono agla piga no walay tuson managlakoy lupot
ed Europa et labay toy onyaman a mangibaroy diad
Pilipinas na sakey a sakayan na asursursiyan tan nati-
________
(1) Abong ya ayaman day mamadre na Santa Clara.
(2) Say monasterio na Santa Clara walad gilig na ilog na Pasig ed bandad letakay pangawan ya tatawegey Fuerte de Santiago. Inletneg nen taon a 1621 a inggapo na mamadre ran ingngaray "Poor Clares”, a sayen orden singa bilang agi na orden day pransiskano tan binirbir ya ed sakey a ganggay Ari ed España ya inter a ngaran toy “Real Monasterio de Santa Clara” nen taon a 1662. Anggad natan wala niyan orden angankoy atilatilak a pakanunotan ed itsuray panagbilay ono agawgawa ed “Edad Media” (Middle Ages) ya atilak diad Ibale.
