timing iran abito ta nalako to ra dian anggad labinanem pisos so sakey o mas mabli ni no mas daan so
nengneng to.
Say onaan a santos a pinmaway ed simbaan si San Diego de Alcala ya inlugan ed karron inoukupay pilak. Sayan talintao nengneng toy mabeng, say ulo to garing tan ambelabelat a mabinbinta so kanengnengan to anggaman say buek ton atilak kayarin inordinay balbaleg et asalaret so kulet ton singa buek day aita. Say kawes to sutlan raso ya binordaay balitok.
Manomtumbok si gagalangen ya Ama tayon San Francisco, insan say Virgen a singa met nen agew a imbeneg, balet ta say parin angulop a walad silong na palio aliwan si pari Sibylan marakep so indengan to tan asimsimbang so kagagalaw ton singa awawey na atagey a inkatoo, no ag si pari SalvL Et anggaman saya et aliwan marakep so kanengnengan to, masansantos balet so itsura to; osdong iray mata to, tan manaakar a tuwek tan singa imbukot toy daiset. Saray nanawit na palio saraman lanlamang so Anak-banwa ya malikeliket iran anggan onman lay kesaw da ta singa ra nipapasen so inkasikaran sakristan, managsingil na buis, mananondon na atiktiwak tan masegsegang a talbay katoowan, a miparpara la rad Kristo ya ibong da met so dala rad panundon day kasalanay arum a totoo. Si koadjutor a nansulong na sobrepelliz tutonogtonogen to ra may karro ya sankaawit toy panagpasob, tan paspasuban toy eleng nen kura ya diad satan lalo yan onbinta tan ombelat so kanengnengan to.
Matantantan so kurang na libot ya aantabayey mankilaldak iran bomba tan mangatatawen iran kanta tan tugtog day banday musiko ya mangoulop ed sinansakey a karro. Si Hermano Mayor balet ed saya, ontan lay seet ton manbubunog na kandila ya dakel ed saray akilibot so akatipon na suston pansilew dan apat labi legan dan misanlabian a mansusugal. Saray totoon wa lad plasa tan gilig na lansangan a mannenengneng tan mamapalabas na libot, kitaltalimokor iran magalgalang no onlalabas so karron kawalaay Inay Dios a maraldalit iran mandadasal na Manisiaak tan Salve Kay Dios.
Akatunday karroy Virgin nen kapetek tod sakey ya abong a manantandag irad dorongawan to ran pinaparakep na mabilabilay a kolor iran palagaygay, di Alcalde, Kapitan Tiago, Maria Clara, Ibarra, pigaran kakas-
