arum niran nakaukolan ya ikakána ed mabaybayag a panagsakit, balibáli inkipinta ra ya sankanengneng a malinlinew so walan lugan da. Diad pannengnengneng ed sarayan kuadro ya aliwa labat lan makaekal iray samit na panangán no agta makapaalibukbok niray lusok, ikuanda lagi arum a mauges so walnay akanabong, tan ginagála toya ta sikakábat a peteg a dakel ed saray dinmágop a mangan et agto ra binagaan, kanian labay ton pegpegay samit na panangán da; tan piano nasanibay daiset so kanunotan to, sinasabitan toray basikaw na bóbida na mararakep iran lamparaan a nanlapod China, kulongan na manók ya atap ya anggapoy lugan da tan globo ran salming ya iniinay asogi tan pinipintaay ambalanga, malabuyong tan inanágan, tanaman iran insásabit a namamagaan, sirasirán sinikang tan impamagá ya ingangaray botití tan arum nira, tan diad bandad ilog walaray basikaw a kiew a mialaan ed gawá ray intsik tan mikalobayan met ed gawád Europa, tan dia natakiling so sakey a batalan a bató ya kawalaan day ankelag a palámiri tan palapala ya kinakalabay tanaman tan sinisilewan na makuykuyep iran paroparol a papil a nambabangil a kolor.
Diman ed salas ono pegley na abong ya anginan ed saray ankakabaleg ya espejo tan akasabit iran akom kumpog a maliwliwawan silew a tatawagey "arañas" so kawalaan day dinmágop a mandem. Wadman met ya impatoon ed intabladon abeba ya kiew na saleng so sakey a marakep tan mabmablin piano ya lalo lay dakep tod sayan lábi ta anggapoy manotugtog. Ontan met a wadman ya akasabit ed dingding so balbaleg a ritraton impintay óleo, na sakey a maong a lakí ya nankawes na frac," mapinepineng, mapmaptek tan asimsimbang so inalageyan to, ya singa baston ton binorlasan a sankaegnaan tod lima ton napnoy singsing. Saman a ritrato singa oniay ibábaga to:
"Hjm! Nengneng yo ray akasulong ed siak tan say inkabintak!"
Saray kagawaay abong mararakep ira anggaman aliwa ra lágin mainawan yurongan tan nayarin maka-
(1) Kawes day lalaki ed Europa ya ikakána ed lábi no wala ray dagoan dan ankabaleg ya okasion, odino onla rad teatro,-ampotin kamisadentro tan chaleco tan andeket a sapatos, pantalon tan amerikana, ya saya antikey ed arap, anggad awak labat, balet ta died beneg angga lawarid aikla ya pinisag tan nankalkalnan kinmisir ed sampot.
