tila tan mamarikit; nibanan intangua nen pari Salvi
ray mata to, balet ta anggapoy impatnag ton balot a
singa bilang pangibano tod sikara odino impakabirbir
to; say alenleneg a ginawa to nanpetek tan samay kapa
to singa met balibali inpelag ton insakbong ed nantopag
ya abala to.
Dimad lansangan ed petek ton may dorongawan walan manalalagey so sakey a biin kakaliktanen ya inkalupa ya mabmabli kanengnengay kawes to, tan sankaeba toy ugaw a lakin melag ni. Sigsiwa anganko ono komisan, ta samay ugaw et ampotin balangaay buek to, et sikato balet et kayumangi ya buek toy andeket nen say azabache.
Kanengneng nen ugaw ed kinen kura inawat to ray sanduan lima to ya manelek na elek na ugaw a magaygayaga, elek ya ag makapaermen tan agmet nanlapod ermen, tan inkuan ton tinmawag ed pegley na aganon keneng: “!Pa. ... pa! Papa, papa!”
Akigtot si biin mangeeba, pinepet ton ginangganatay sangi ton may ugaw insan agto amtay gaween ton batik lan inmarawi. Si ugaw inian toy akis.
Saray mainap ya akanengneng nankikindatan ira; akaimis iray araldalem iramay kakastilan akaimaton. Sa balet so amespesiaw a gendat a lupa nen pari Salvi binmalangan singa kayanga.
Nalilingo ra balet so katoowan ta si kura ni agto kabat imay bii ta aliwan taga diman.
