sarayan amin ya itetepel anggapoy kuinta ra no nunoten
so abig na parin mansirmon, ya sirmon nimet yan binayaray baley na duan lasus tan limamploy pisos.
Oniay salsalita nen makabat a Tasio:
“ !Agay la tan ey so duan lasus tan limamploy pisos so bayar na sakey a sirmon ! Saksakey a too ya maminpinsan nimet! Kakatlo lay ibayar ed saray komidianti ya ompaway iran taloy labi! JMayaman kayon tua sasalo!”
“?Antoy akibibiangan ton tan ed komidia ey?” kuanton inmebat a mauges so ulo ton may maistro ray Hermanos na Venerable Orden Tercera; “say komidia makapangipelag na kakamarerua ed inpiernos, say sir mon balet makapangisegep ed tawen! Say anggano kinmerew ni pari Damaso na sanliboy pisos, sinabi tayo nin lamang tan pisalsalamatan tayo ni ingen.....”
“!Isisipen kon walan tuay katonungan yo!” kuay ebat nen pildsopo; “ta no siak labat mas napanpalabasan ko ni oras so sirmon nen say komidia!”
“!Siak, ni say komidia!” kuanton maningal ya ampetang so ulo ton may sakey.
“ !Manisiaak, manisiaak! ta anggapo met so natalusan yon anggan dinan ed sikara et!”
Insan imanlay bagel a masiken ya agto la inasikaso so impandadansak nen maistrod sikato tan saray impangilablabay tod mauges a kiratngan to.
Sanlegan ya aalagden si Alcalde, manlinlinget laray totoo tan manuwab lara: mapanaspas iray paypay, sombriro, tan panyolito; maningal iran manakis so ugugaw, ya ontan lay irap day sakristan a mamapapaway ed sikara ed simbaan. Tan nisesengeg ed saya, sinmebang ed ulo nen maptek a panagnunot tan ambetebetel ya impangulon maistro na Togiop na Smo. Rosario so onggendan:
“‘Paulian yo ray ugugaw ya ondagod siak’ kuay Katawan tin Jesucristo ya tua; balet ta nakaukolan met lan talosan ya say labay ton ibaga saray ugugaw ya aliwan maakis.”
Sakey ya akulaw ya akakawes na gingon, si Hermana Pute, inkuanto ed apo ton ugaw ya anenem taon to ni labat ya akatalimokor ed abay to:
