“!Mandeen ka, kondinada! Apipiger moy idengel mo ta marakep so sirmon natan, singa sirmon na Viernes Santo!”
Insanto kinarut ya aliing toy mabilay a pananisia nen ugaw, ya saya kinmobibit, pinadukey toy sungot to, tan kinmoliseng.
Walaray lalakin akakamarang a naugip irad abay day panagkonpisaran. Wala met so sakey a masiken ya anta mantemeg, say ipapatnag tod kinen akulaw Pute so mandarasal a madaldalit a parlas lan parlas na balsakan tod lima to ya singa sikato man bilang so sankamagalangan lan panangipatnag na pananulok ed linaway tawen, tan si akulaw nankalkalna to met ya inalig.
Si Ibarra walad sakey a sukong; si Maria Clara mantaltalimokor ed abay na altar mayor, ed sakey a pasen a si pari kura, ya lawas maasikaso tan mapagalang, et impawangwangan to ed saray sakristan. Si Kapitan Tiago akakawds na frac tan akayurong ed banko ran intalaga ed saray walad betang, kanian saray ugugaw ya ag mikabat ed sikato, inisip da no sakey a kapitan met a pelds tan antakut dan asinggeran.
Sinmabin siansiay Alcalde ya kaiba toy Estado Mayor(1) to ya dinmalan ira ed sakristia tan inyurong tod sakey ed saramay marakerakep ya ankakabaleg a yorungan ya inalpombraay pasen a kawalaanda. Pinaspasia nen Alcalde so impangawes to, ya akaiyan irad pagew toy banda nen Carlos III tan apatira ono limara nin midalyan ankakabaleg.
Saray katoowan agda abirbir. “ !Ay!” kuay sakey a dumaralos, “sakey a toon nansulong na kawes na komidianti!”
“Agay lay inkabantiwel mo a !” kuan met na kaabay to ya sinikil to. “Anta si prinsipi Villardo tan ay, ya anengneng tayo kalabian ed komidia!”
Kanian si Alcalde tinmagey so kipapasen tod mata ray katoowan ya apanmaliw dan sakey a prinsipen inkantado ya mananalo ed saray alan.
Ginmapon siansiay misa. Inmaalagey iray akayu
rong, tan saramay naugip abangon irad banting na kampanilya tan bosis day kantoris. Si pari Salvi, anggaman
________
(1) Saray general tan arum niran opisial na ejercito (army).
