mabinbinta, nengneng toy nagnagnap so linawa to ta
saray mansisirbid sikato ya diacono tan subdiacono et
duaran agustino nimet.
Sakey tan sakey ed sikara maong so impanganta to nen asabi turno to ed bosis ya angesan, likod labat si pari Salvi ta giwgiwan so bosis to ya aminpigan sinmekiaw ed baleg a kelaw day makapikabat ed sikato. Say kagagalaw to balet sinuksukat tan ambelabelat. Say pananganta toy Dominus vobiscum madaldalit a singa akatingli ed sakey a diking so uld to ya akatangay na daiset. Diad pakanengneng ed itsura to no papasoban day insyinso nayarin ibaga ya si Galeno(1) et walay katonungan to ed pangibaga ton say asewek ya ontubong ed eleng ontalus ya anggad ulo ya ondalan ed singa sapitan a tatawagey “etmoides,” ta diad pamasob dad sikato, manpetek a singa ontagey tan itomba toy daiset sb uld tod beneg, insan ed satan manakar ya onarap ed pegley na altar ed ontan lan belat tan binta, ya si Kapitan Tiago et mas lalon nagnep na galang so paka nengneng to ed sikato nen samay pomapaway ed komidia ya intsik a pinmaway nen labin imbeneg a nansulong na kawes na empirador, nanpinpintay lupa to ya naniiyay laylayiran ankelag ed beneg, nanbalbas tan nansapatos na atagey a takon. .
“Ag napan duaruaan,” kuanto ed inkasikato, “say saksakey labat lan kura ta.yo daeg to ran anggapoy abot dan amin-so binta tan ankablin suri ray amin-ya empi rador.”
Sinmabin siansiay pitalaran a bekta ya pansirmon nen pari Damaso. Saramay taloran paparin manmimisa inyurong da ed taburitin ankabaleg ed nengneng dan madaldalit a makapangipaarap na kanunotan ed tawen, ya unong lagi pangibaga ton may akabat tilan sumusulat ed palapagan. Si Alcalde tan arum niran totoon manbebenbey betang tan walay kanengnengan, inyurong da met ya inmalig, tan tinmonday tugtog.
Diad samay biglan keneng, aliing si Hermana Pute
ya anta mansanggook la ta singa atambayoy tugtog.
________
(1) Bibirbiren ya onaonan mananambal. Diad impangalamit nen Rizal diay salita ra nen Galeno, say labay ton ibaga so apatagey nen pari Salvin maong so inkasikato ya inisip ton kaunounongan to lan nagnagnap na kabaliksan tan kagalangan.
