Diad aiding nen Sigesmundo(1) odino samay kosiniro ed
tungtong ya “Sleeping Beauty,” say inmonaonan ginawa
to nen kaliing to pinankolan tod ulo may apo to ya akaugip met. Akaeyag si ugaw balet ta agano ton alingoanay inkasakitay ulo to nen anengneng toy sakey a biin
mandudugal ed pagew to ed onmanlan inkaliing na pananisia to tan dalit na linawa to.
Sakey tan sakey inasirta toy kipapasen to pian mainawan ondengel na sirmon. Saramay anggapoy nayurongan dan banko nankamarang ira, saray bibii inlespak da odino inyurong dad sail ran dili.
Binatak nen pari Damaso ray katoowan a nanlapod sakristian anggad pananirmonan a tumtumboken to ray duaran managpamisa tan manumtumbok ed sikato ba let so sakey a pari ya nanawit na kuadirnon makapakapal. Asaniban ya agand nen sinmegep ed samay takayan a linmiber, balet ta binmutay met a tampol so malimlimpek ya ulo to ed tagey, insan say beklew ton matabataba, tan entiron laman to. Binantag toy simbaan na mata to ya andi pagpaga, tan mansigam na daiset; anengneng toy Ibarra, tan diad sansananey ya inkirem day mata to natalusan ya agto lingoanan ed saray pandasal to; nilimgis to met si pari Sibyla ya napnapday linawa to, tan ontan met ya ninengneng ton napnoy panlemlemew tan ag pangitaltalek si pari Manuel a nansirrnon nen agew ya imbeneg. Kayari to nian impangiparlas to ray mata to, linmingaw, ya ag impalikas ed saray totoo, ed samay parin nanawit na kuadirno tan inkuanton makalna: “Asikasom, agi!” Saya binuskag to may awiton kuadirno.
Balet ta say sirmon kanepegan toy sananey a tekap. Sakey a tubonbalon manaaral na taquigrafia tan
masiadoy panamabli tod saray maong a mansalita, insu
late; kanian utang a linawad sikato so pakapangikurit
dia natan na sakey a masantos a pulong ya nanlapod
saraman a dapat.
________
(1) Sikato yay bilay ed insulat nen Calderon de la Barca ya manngaray "La Vida Es Sueño" (Say bilay sakey labat a kogip). Wala met yan korridoya Tagalog.
