inandawes ton. magalgalang so lima ton kawanan ya impaarap tod altar a sankanengneng toy Alcalde; kayari
to nia, nantalikepkep a matantantan ya andi imbalikas
ton anggan mogmon salita; balet ta diad nagogonoyan
inte.ngua ton biglay uld to ya singa intomba toy daiset
ed beneg, inturo toy pinton baleg ed pegley ya inwaswas ton biglay lima ton kawanan ed ontan lan kasil a
saray sakristan ya akanengneng et intalus dan singa
ganggan, tan batik iran angikapot iramay pinto. Singa
atalagnaw si alferez tan agto amtay gawaen to no kasi
ta ompaway la ono natilak ni; balet ta si mansisirmon
ginapoan to lay mansasalita ed bosis ton maksil, tibukel,
malinew tan marakep a dengelen; talagan samay akulaw a panaasikasoen toy konbinto nen saman et walan
tuay ibabaga ton manambal.
“Mandarlang ed dakep tan liwawa so altar, maawang so pegley a pintoy simbaan, milmilad dagem so madios iran salita ya onlabas ed bibil ko, kanian dengel kayo sirin ya italineng yoy puso yo tan kamarerua yo, pian saray salitay Dios et ag ira nadardarak a napaktak ed mabaton dalin tan ag ira tuktokey manok iran nanlapod inpiernos, no agta ontubo ran onsibual ed sikayo, ya manmaliw kayon masantos a palakay ed dalin na galgalangen tayo tan manyapayap ed aroy Dios a si Ama tayon San Francisco! Sikayon managkasalanan ya arakep kayo ray moro na kamarerua ya liberlibei” irad kadayatan na bilay ya andi anggaan, a manluglugan irad maples iran sakayan na mundo tan laman; sikayo ya aakbibiten yoy ambelabelat iran posas a balatyang na lawan, tan arakep kayon manbebegsay ed sakayan nen dilin Satanas, nengneng yod maabeban panagsikbel so mananundon ed saray kakamarerua ed inkarakep dad dimonio, say masebeg a Gedeon, say mabayanin David, say lawas mananalo ya Roldan na Kristianismo, say guardia civil ed tawen, a mas lalo ni bayani to tan nagagawaan to nen saray amin day Guardia Civil ed dalin. —(Kinmuliseng si alferez dia) — “On, kagalang ya al ferez, mas mabayani, mas makapanyari ya anggaman alenleneg ya armas to so sakey a krus a kiew, tinalo ton ag inangananganan so andi anggaan a tulisan day kabilungetan tan amin day kasikuasis nen Lucifer, tan ginalpong to ra komon ya aminpinsan a pinaandi no
