so dalang nen agi min Diego ya ag napereng so esiab to
ya anggano iyan ed utel day ankablin sasantos. Sankanengneng yon malinlinew ya ag nayarin italirak so ayadyarin gaway Sankatageyan a pamatulok tod saray manbalegbalegan diad tapew na dalin; on, inararok iran
agagik, malinlinew a sankanengneng yo, malinlinew—;
patente! — ya kuan ed salitay kastila — patente!”
Biglan linmokson inmaiagey so sakey a laid ya amespesiw so lupa to tan manggiwgiw, tan sinmopok ya inmamot ed dalem na panagkonpisalan. Sakey iman manayan managlakoy alak ya akaugip tan kokugipen ton nitan la ray carabinero ya aanapen day “patente” to anta ag angala, kanian nen aliingan toy salitan “pa tente” ya makmaksil, inisip ton wadman la ray cara binero ya mangerel ed sikato. Diman lan inmamot ya ag pinmaway anggad inkayari sirmon.
“Mapaabeba tan masimpit a santo, say kruz mon kiew — (say awit na talintaon krus, pilak), say kawes mon duka napapagalangan day sankatageyan a Francis co ya anak tan manangalig to itayo! Gagaween mi anggaay nayarian mi ed pangibubuyak mid masantos a kolor mo ed sansinakoban, diad saray sankaarawiyan tan sankasulinekan iran pasen, diad saray siudad, saray balbaley, ya andi-gapoy pinili, andi-gapoy induma ed saray andeket may ampoti” (si alcalde pinokpokan toy kalilinawa to) ya itetepel min ami kairapan, kasegsegangan tan panagpairap, say masantos a kolor na malet tan mabilay a pananisiam tan religion mo (Ah! akalinawa diay alcalde) a sikarayay mangaantabay a mangaamper ed kaderal la komoy mundo tan kapelag tod aralem a kelas a kagalpongan to la.”
Saray ondedengel, pati si Kapitan Tiago manbabales laran manuwab. Si Maria Clara agto dedengelen imay mansisirmon; amta ton wadmay Ibarra ed simbaan tan sikatoy sankanunot to legan ton manpapaypay tan nenengnengen imay baka na sakey ed saramay apdstoles ya nansulat na Evangelio, ya anta baka et anggapoy dumay itsura to ed dueg a kilaw.
“Amin itayo nepeg tayo komon ya patlep iray Santas Escrituras, saray impanbilay day sasantos pian diad ontan et agta kayo la kaukolan a sirmonan sikayon managkasalanan; nepeg yo komon ya aralen ono amtaen
