iray amin a bengatlan makabaliksan tan manepeg a
singa bilang say Amami, anggaman dakel ed sikayoy
alingoanan yo la yan dasal tan manbibilay kayon singa
saray protestante ono hereje ya aiding da ray intsik
ya agdala gagalangen iray papari; balet ta tandaan yo
ya ta napaktak kayon nadusa ed apuy ya andi angaan!”
“Aba! Antoy agawa to pari Damaso satan!” kuanen intsik Carlos ya inmeremere ya inkulirep ton nap noy petang na uldy mansisirmcn, ya saya tinondaan to may impasal ton isirmon tan ibabaga to la labat so onsesebang ed ulo to ya andi tonda ton mantatami tan manpapabaing.
“Ompatey kayon agkayo makapanpatauli, boleg day hereje! Say Dios dudusaen to kayon manlapo la diad tapew na dalin ya ipapangaw! Saray kabolegan, saray bibii nepeg da kayon ibatikan ya paliisan, saray manouloy kanepegan da kayon ibitay piano agla ondakel so simit tan sibual nen Satanas ed dalin na Katawan! .... Si Jesukristo inkuanto: “No walay pasen na laman yon makapakasalanan ed sikayo, potot yo tan ibantak yod apuy!...........”
Anirbios lay pari Damaso, alingoanan to lay imparaan ton sirmon to, pati say abig na inkaalutoi' day kanunotan to abalangan ton aminpinsan.
“Nangel mo?” kuay tepet na sakey a tubonbalon manaaral ed Ibale ed kaulop to; “anto ey, putoten mo a?”
“Akin lamet! Onona nin mamutot a!” kuay ebat ton may sakey, ya inturd toy mansisirmon:
Si Ibarra kusokusoy nunot to; lingawlingaw a manaanap na sakey a sukong a napiregan to et anggapoy nanengneng to ta napnapnon maong so simbaan. Si Marla Clara balet anggapoy narerengel to, tan anggapo met so nanenengneng to, ta iimanoen ton maong imay kuadron angipintaan ed saray kakamarerua ed Purgatorio, kakamarerua ya say kanengnengan da et lalakl tan bibii ya anggapoy kawes da, ya walad sikaray nansombriro na sombriro ray arzobispo tan obispo, walaray nanoklob na oklob day cardenal, a wadman iran nakakalot ed apuy tan akabenben ya akabitin iran amin ed balkes nen San Francisco ya agmet ya napultot anta onman lan belat na bibitbiten to.
