Diad impanpand lan impanpano nen pari Damasoy sirmon to, samay Espiritu Santon pari ya mandidiktad sikato abalangan toy kawalaan ton pasen na sirmon, tan alagsanan toy taloran andurukey ya egpang, tan aliway nisoldong ton imbaga ed pari Damaso ya saya et mandongap a naknaksawan ed impant-ami to lan impantami.
“Siopad sikayo, ondedengel ed siak iran makasalanan, so dildilan to ray sugasugat na sakey a masegsegang ya agilaygilay so kawes ton mipapayabol? Siopa? — Onebat tan itagey toy lima to no wala! Anggapo! Kabat ko la yan sipor! Bukor labat na sakey a santos ya singa si Diego de Alcala, so napaloob to yan gaween! Dinildilan ton amin so sugasugat iran nabubulok tan inkuan tod mankelaw a kapara ton pari: “Ontan so katambal to nian agmakayari!’ Agay lan makristianon panangasi, tan panangsin andi gapoy mipara! Simpit day mangasimpit! Pangaligan a mairirap ya aligen!
Manangilaban ya ag ataldengan!.......... ”
Tan dia to impantutumbokay akamayamay a dayew ya impandepa to ray duan lima to ya panbalbalesen ton itagey, ileksab, a singa bilang labay toy ontekiab odino mangaabol na manok.
“Kasakbayay impatey to nansalitay latin anta ag nanaral na latin. Alay makapakelkelaw ayan inkagawa. agagik iran managkasalanan! Sikayo anta ontan lay panaaral yo ya pakaliliknaan yoy masulit a lewet agyo amtan isalita, tan ompatey kayon agyon balot napetek a pansalita! Say pakasalitay latin sakey a palangkap a maniapod Dios, kanian sikatoy salitan ikakanay Ina tin Santa Iglesia. Pati siak amtak met so latin! Panon sirin so pangigimor na Dios nian ligliwa ed inararo ton Diego ey? Panoy pangiabuloy ton ompatey ya ag nan salitay latin? Ag nayari! No ontan say Dios nabalang so kaptekan to, aliwa lan Dios! Nansalita lanti latin tan saya tasian day managsulat ed saraman a panaon!”
— Insan to insampot so sirmon to ed sankairapan ton impatlep a sinakal tod gaway balitadon mananulat a Kag. Sinibaldo de Mas.
‘Tlugay taka sirin, sankarlangan a Diego, ya galang na togiop mi! Sikay oliran ed kasimpitan, maadian napnoy galang, mapaabeba ya nisaponay katagian; m-atulok lawas a napnoy kaptekan, napnoy danka tan napno met na pilalek; katagam ono kabusol ya andi liputan:
