man ya ginawan itsuray malapati, odino pukel tan laman ya singa samay natatalibagan pari ya mandidiktad
sikato. Igapo to lamet so sirmon tod tagalog bangta
akapainawa lay daiset.
Samay akulaw ya masantos pinankulan to lamet imay apo to, ya saya abangdn a manges so ulo to tan kuanton tinepet:
“Akin, kakaakis la?”
“Andini, balet ta agkala onougip, kondmada!” kuay ebat nen bai to.
Dagdaiset so nisulat mi ed sirmon ed tagalog, ta no tagalog so pansisirmon nen pari Damaso agto la ipaparaan ya isusulat, ya aliwan makasengeg so baleg a pikakabat tod sayan salita no agta maniapod ipapasen ton saray pilipinon manaayam ed luyag et anggapoy amta ran nipaakar ed saray talontonan ed panagsalita may panagsulat, anggapoy pagpaga to ono sikisikig to ya aliway nibaga to. No saray kakastila ingey ondengel ed sikato, nakaukolan toy manlikas; amta to ta nangnangelan to, ya walaray talontonan ed panagtalumpati, tan nayarin nibana ya diad saray akaarap ya ondedengel ed sikato et walaray akadongaw ed eskuilaan, ompan bilang si Kg. Alcalde Mayor; kaniantin isusulat to ray sirmon to no say pansalita to et kastila, basaen to ran apigeren, ipatlep to ra ya ipasal to ran pigay agew, kasakbayay pangisirmon to.
Kabat na kalapagan ya amin iray wadman ya aka arap anggapoy akatalus na nipaakaray sirmon to: alablabas so kapoy na pakatalus da insan aralem iray kanunotan na nansirmon, ya onong na inkuan nen Hermana Rufa, kanian saray onderengel a mantatalaran na pasen ya inangis da anggapoy naalagar dan pakaakisan, tan samay tamiyan ton may akulaw ya apo to inogip to lamet.
Ontan man say sirmon tod tagalog mas wala ray agawaan to nen samay impansalita tod kastila, ya anggaman diad pigara labat ya akangel, unong na nanengneng tayod arapen.
Inggapo toy “Mana kapatir kon kristiano”(1) tan
impatumbok toy ontan lan nankakames tan agutgot
iran salita ya ag nayarin ipatalus; nansalitan nipaakar
________
(1) Agagik irad Jesukristo.
