day ag mikabat ed Dios, balet ta agda intuloy so yakis
da ta anggapoy nanengneng dan iba ran onnangis. Si
Hermana Pute balet sananey so panagnunot to. Samay
sakey a lakin akayurong ed abay to, diad gaway impakaugip to atumbaan ton atapilan ya akeskes so habito
to. Sininkat toy suikos to insan to pinekpek lan pinekpek pian nabangon tan maningal ya kuanto:
“Ay! Ekal kad tan salbaje, ayep, dimonio, dueg, aso, kondinado!”
Agulo ray totoo. Tinmonday mansisirmon, tan intagey toy kirep to, ed baleg a kelaw tod onman tan makapakasalanan ya agawa. Diad gaway petang na ulo to ag akasalita, maningal labat ya singa mansugakgak a bansag na pantalog toy poniti to ed samay apbabay panamulongan. Diad onia tinmonday ingal nen akulaw: anggaman nguronguro ni, inikbanan toy suikos to anguros ya aminpiga insan tinmalimokor a madaldalit.
"Aaah! Aaah!” kuanen pari nen akasalita ya impankurosan to ray takiay tod pagew to tan manpeyeng. “Sikato tay gongonak a mansisirmon ed sikayon sankabuasan, sasalbaje! Pati diad dilin abong na Dios mankokulkol kayo tan manayew kayo, andiribaing! Aaaah! Anggapo lay gagalangen yo ! Sikatoyay kasumpalay alablabas a panaglawan ed sayan panaon! Kuanko la lanti, aaah!”
Tan nansalita lamet a kapalduay oras nipapaakar ed saya. Mansanggook si Alcalde, si Maria Clara balet mantemeg: agtola napokpokan kalamor so pakakaugip to ta asumpal to la ran anengneng ya amin iray kuadro tan talintao ya binubusisi, tan anggapo lay napantalibagaan to. Si Ibarra anggapo met lay walad sikato ed saray salsalita tan paspasiki nen pari Damso; say walad kanunotan to sakay ya abong a melag ed pontok na palandey tan diad marakerakep a tanamanan to singa to sankanengneng si Maria Clara. Akauley laray totoon manbilay dimad leksab ya anggano manilosilos larad tan ed masegsegang iran kabalbaleyan da!
Amidua lan impabanting nen pari Salvi so kampanilya et lalo la ingen ya akapauges ya ta singa kabaliksan toy pinanoan a tinongoay apuy. Si pari Damaso anawet so ul6 to tan lalo la ingen ya innatnat toy sirmon to. Manketket lad bibil toy pari Sibyla ya aminpiga
