to lan inapiger so salming ton inmonta ed balitok; bukbukor nen pari Manuel so manimimis a singa malikeliket
ya onderengel.
Asabin siansiay impangibagay Dios na susto la: naksawan a siansia may mansasalita tan imakseb lad panagsirmonan.
Tinmalimokor ya ami too ya akisalamat ed Dios. Si Alcade pinuropuro to ray mata to, inonat toy sakey a taklay to ya napipiskey lagi, ya bansag na impangibaga toy “ah” ya singa nanlapod karaldalemay pagew to tan inowab to.
Tinmuloy so misa.
Nen asabf impanganta nen Balbino tan si Chananay na Incarnatus est a tinmalimokor ya amin so too tan tinmewek iray paparin manmimisa, inopit na sakey a too ed Ibarra so onggendan; “Diad siremonia ed panbindision na ononan baton iletneg ed eskuilaan, agkavo onaarawid kinen kura, ag kayo onlolusor ed abot, agyo sisinggeran so bato no agyo labay so ompatey.”
Anengneng nen Ibarray Elias ya kapangibaga to nia et pinmaliis lan inmutel ed karaklan.
