Si toon ampesisaw so lupa to sinekderan toy salita to ya aliwan ayor-ayor lambengat so ginawa to ed petek na banawang a pangilusor na baleg a baton-silyar; aliwan yanoyanon taloran lusek a ninunot nen Nor Juan a pangisabitay kalo ono polea ed tagey, no ag ta sakey a makina ya singa parakep, balet ta makatanagel a parakep. Onsulok ed waloran mitro so katagey na sayan ag natalusan a pangisabitan. Apatiran makapal a lusek so impanek ed dalin a pinagkataglang, ya atekep ira na ankakabaleg a tekang a nankokurosan, a samet ira impasak lambengat lapod pakalsd ya aparato pian mainomay ya ekalen lamet, balet ankakabaleg a kable so sankanengneng ya impangisinger tan agoyagoy ed amin a diking tan malmalet so nengneng to. Diad tagey tan tuktok pinaparakep na nambabangil a kolor na laylay, liston iran malalapar, tan balangct iran bulaklak tan bulobulong a nankakawetan.
Dimad tagey a singa nasisiruman da ra nian lusek, balanget tan laylay manbitbitin a sininger na lobir tan balatyang iran sabitan so sakey a balbaleg a moton a taloray dalig to ya kawalaan dan akaiyan ya akasalakday so taloran kable ya ankakabaleg nen saramay inmona. Sikaraya so anayakop nimay batd ya diad pegley to walay kongaw ya ag tinmalus, ya onlagtip ed samay baton walad dalem na banawang a nanabot met ed pegley, a diad satan ya abot tan kongaw so pangikargaan, ed panlagtip da, na pakanengnengan na nagagawa ed saman a panaon, a singa bilang, awaran, palpalapag iran babasaen, sulsulat, saray onkukurang iran kuarta, nam babangil iran midalya tan arum nira, ta pian walan panmadmaran da ray mantumbok iran ILALAK. Saraman a kable pinasulokan irad bandad leksab na aparato tan akakonikta ra lamet ed sakey a polea ed leksab na
