Page:Agmoak-Didiwiten-Noli-Pangasinan-nen-Jose-RIzal-1963.pdf/301

nabuybuyak la, balang lad gaway panaon ono diad gaway deral na limay too, tan diad tapew da ran tan a deraderal et ontubo ray malagayaman tan lamuyak; tan no say panaon et pateyen to la ra tan ya dikadika tan lamuyak, tan galpongen to lara tan a gerageray a magmaliw la ran dabodabok tan itekiab la ray dagem iratan a dabodabok, ya napunas lad egpang na Awaran so pakaliing a mannunot ed saramay nankimey tan nanggagawa ed sikato ta abayag lan naandi ed kanunotay too; anganko, no saray nengneng na polin nambabangil ed mundo atabunan ono inmalandipat la ra, bukor na sakey a minero ed pakasukit tod sakey a bato so makapangipaway na saray misterio tan makapakelaw ira ed kaaralmay dalin. Angan­ ko saray mangakabat a totoo na Bansa ed sarayan Pulok, mankimey ira ya singa pankikimey da natan ed Egipto na mangakabat a mangouksoy na nakdaan ya atilaktilak ed sakey a baleg a civilizacion ya nanarid pasirayew toy magnayon, tan agto kinugip a dalaney mabayag a kabilungetan. Anganko wala met so makabat a profesor ono managbangat ya ibaga to ed saray babangatan ton ugugaw a mantaoy lima ono pitoy taon tan diad salitan ikakanay amin a katooan: ‘Sinyoris, kayari yon aralen tan onaan a maong iray nambabangil a naalmoan ed dalem na dalin tayo, kayari yon napaliwawa so labay dan ibabaga ra nia tan ipatalus yoy pigaran salita, ag panduaruaan a sarayan na­ almoan et kayamanan iray inmonan totoo, ya sikaray manaayam tan manbibilay ed saraman a panaoy kabi­ lungetan ya ipapasen tayon singa ag nasisia. Diad an­ tikey a salita, Sinyoris, pian ditan yo namuria so inkatoon daan na saray babai tan lalaki tayo, masarag lan ibagak ed sikayo ya saratan ya inmonan totoo aliwa lambengat a bibirbiren dan wala ray Arari no ag ta diad pangebat da na saray tepetepet a nipaakar ed gobierno local, sabien dani biek na mundo ya ontepet ed sakey a Manonaan ono Pangulo ra ya mangunkoi na bengat lan gotgot da, ya aliling bilang na sakey a too ya kasakbayay pakapangigalaw toy lima to ono sail to et ipanon to ni ed ulo to ya singa walad biek na mundo ed kaarawi, ed pasen ira lagin atabontabonan la ray daluyon natan. Sarayan kakulangan anggaman nengneng da so singa ag napamintuaan la natan, walara nen sa-

— 271 —