man tan nasisia ra, no sukayan tayo ray makasengeg na inkiwala ra ed bilay da ran man a totoo, anggaman ngalngali agkora natawag a totoon pinalsa. Diad saraman ya onaonan panaon, saray totoo nayarian da (ono ontay sisisiaen da) so miarap tan misalitad Dios a Manamalsa, ta walaray Ministros To ono katulungan To ya nanlapod Sikato ya kuan, totoo ran nidumadumad saray arum ta lawas tatawagen iran may maamot so talus da ran batek ya ‘M.R.P.’ ya nipaakar ed talus dara nian batek et ag ira makapanaabet so makabat iran totoo. Unong ed sakey a kapegleyan a profesor tan sansanlasus so amta to ed saray nanduruman aliwaran nagnap a salsalitad inmonan panaon, oniarin say talus da Muy Rico Propietario.(1)Sarayan Ministro ono katulongan To nipapasen la ran ngalngali lan makapialig ed Dios, masuri ran walna, maong iran mansalita, atagey irad aval, ya anggan ontan lay kabaleg na pakayari ra tan kadadayew da, ag iran balot makagaway kasalanan, a sikato yay akadagdag ed siak a mangikuan a dumaduma ra ed saray arum a kapara ran totoo. No saya et agni onkanan manekder ed walan pananisiak, walani sakey ya argumento ya anggapoy makasupiat tan napaneknekan ya inagewagew, a sarayan totoo nayarian dan palasorey Dios Diad Mundo ed pigaran salita ya ibalikas da, ta say Dios bukor makapisalita no isalitaan da, tan kakanen day dilin Laman To tan iinumen day dilin dala To, ya mabetbet ya ipakan damet ed saray arum a totoo......... ”
Saraya tan arum niran kaisipan so iniyan nen makulang na pananisian pildsopo Tasio ed sangi ray makasalanan a totoo ed arapen. Anganko nayarin si pilosopo Tasio et nalilingo, agmet ya arawi, balet, maya, ta pawilen timay totungtongen tayo.
Diad saramay kiosko ya anengneng tayo ra ed mikadua lan imbeneg ya agew, a pankikimeyan nen maistro tan saray eskuila to, pangipaparaanan natan na sinawaan a pangogtoan. Sakey a naimano, so diad lamisaan a niganad saray ugugaw anggapoy anggan sakey a botilyay alak no ag sinawaan a bungabungay kiew. Diad saray palapala ya katekep na asalita ran kiosko walaray yurongan ya mggaganad saray musiko tan lamisaan a napnoy masamit tan botilya na danum ya inggana ed karaklan. Si maistro
(1) Muy Rico Propietario — Toon Mayaman a Dakel So Bienes To.
