angipasen met diman na teken a pinoyokay sibo, ontan
met na loksoan, walara met ni banga, kawali ya
insasabit a panggalawan. Diad mapalalon petang na
agew sinmisirom iray totood kakiyewan tan arum ed
sikara linlinma rad silong na palapala. Saray ugugaw
a lalaki kinmakalab irad sangasangay kakiyewan, walaray kinmalab ed bato, ta lapod kamelagan dani, pian
nanengneng dan maong so siremonias. Sankanengneng
da ran panibibegan iramay ugugaw a manourong ya
akakawes na marakep tan malinis, a walay pasen dan
intalagad sikara ya pakakaliketan day atateng da
ra, ya anta pobri ran taga uma et nanengneng da ray
anak da ya mangan ed lamisaan a sinakobay ampotin
abel a mantilis a singa samay lamisaan a pangakanan
di pari kura tan si alcalde. Diad mogmon pannunot 1ambengat nia singa la ra naksel tan sayan agawa kutengtengen da lad kaabongan da ya onsabi nin anggad saray
kailalakan dad arapen iran panaon.
Kabebekta nangel so arawi nin tugtog ya manonaan la ray angantabay a binonton a totoon maniapod ugugaw anggad mamatatken ya akasolong iray nambabangil a kolor na kawes. Si ampesisaw so kolor iri-iri tan pinengneng ton naynay imay aparato. Sakey a toon taga uman miron, tumtumboken toy mata ya naynay tan iimanoen ton amiy galaw to. Si Elias, a dinmago met ya ombantay ed siremonias a nagawa, ya nisengeg ed sombriro ton loping tan impangawes to, ag nabirbir. Akalay maong a pasen to ta naabayan to may papatleken a torno ya asingger ed tambib ton may banawang.
Kabekta nitan lay alcalde ya inulop na musika, saray opisialis na munisipio, saray papari, liked si pari Damaso, saray empliado ya kakastila.. Si Ibarra katungtong toy alcalde ta akapankaaro ran dua ya nanlapo ed samay impangiter tod alcalde na masurin impangidayew to nisengeg ed saray midalya tan bandan inter ya pamagalang na Gobiernod sikato. Si Kapitan Tiago, alferez tan arum ed saray mangayaman a totoo sinmabira ya kaulop da ray mamarikit ya akapayong iray sutla. Manomtumbok si pari Salvi ya ag masmasel ngola tan singa sinonunot a naynay unong ed gendat ya awey to.
