a wadman ya intatak so igsa, balet si alcalde nanpahwawa ni ed salitay kastila.
“Mibabaley ed San Diego:” kuanton mabinbinta; “Sigagalang itin amin ya anayakop ed sakey a siremonia ya say kakanaan to natalusan yo la anganko anggano agmila ipaliwawad sikayo. Sakey ya Orungan so ipaalagey: Say Orungan sikatoy niletnegan ono sengeg na Sociedad, say Orungan sikatoy pinagkalibro ya pangisu latay arapey sakey a Bansa. Panengnengan yo kami sakey ya Orungan na sakey a baley, ditan ibagad sikayo no siopa tan a baley.
“Mibabaley na San Diego: Pisalamatan yoy Dios a Katawan ed impangiter tod sikayoy masanto ran pa pari, ontan met ed Gobiemo na Ina tin Dalin a naynay ton ikakayat so Civilization ed sarayan mabonan Pulok ya ilalaban na magloria ton sakbong. Pisalamatan yoy Dios ya angasid sikayo tan imbaki to rayan mauyamon papari ya manpolong tan mangibangat ed sikayoy Masantan Salita. Pisalamatan yoy Gobierno ya akagawa, gagaween to tan lawas ton gaween so dakdakel a bagat ya onkanad sikayo tan saray ilalak yo.
“Tan natan lapod say onaonan bato na sayan sankakanaan ya paalagey et kinonsagra, Sikatayo, Alcalde Mayor na sayan luyag, diad ngaray katagiay Ari tayo ya lawas yagel na Dios, Ari ray taga Espana, diad ngaran day Magalang a Manouley ed Gobierno na Espana tan diad silong tan agel na andi taldeng tan mananalon naynay ya Laylay to, ikonsagra tiyan AKTA tan igapo tilay kipasen na sayan ORUNGAN.
“Mibabaley ed San Diego: Manbilay a maando so Ari! Manbilay komoy andi anggaan so Espana! Man bilay iray andukey so saray PapariI Manbilay lawas so Religion Katolika!’’
Dakel a bosis so angialagey ya: “Manbilay iran maando! Manbilay na andukey met si Sinyor Alcalde!”
Linmasor si alkalde va mabinbinta ya singa kokomnasan toy tugtog na musika, ta inggapo ray anugtog nen kuanton onlasor, angiay pigaran kutsaray largamasa ed tapew na bato insan mabinbinta met a sinmegep. Saray empliado tinipakan da.....
Si Ibarra angitei- lamet na kutsaran pilak ed kinen kura.....tan kayarin ninengneng nen kuran agano.
