nankalkalnan linmasor. Kasabi tod pegley na takayan
tinmangay a ninengneng toy baton manbitbitin a sininger na ankakabaieg iran kable, balet agangano tan linmasor met a tampol. Inalig toy alcalde, balet dakel iray
tinmipak ta niarum ed saray empliado iray papari tan si
Kapitan Tiago.
Si pari Salvi singa walay aanapen ton pangitday kutsara; ninengneng to, balet manduarua, si Maria Clara, nansalat na kanunotan, inderew tod kinen eskribano. Saya balet, diad panamagalang tod saray bibii, inmasingger ed kinen Maria Clara ya idederew to, si Ma ria Clara akaimis tan agto inawat. Saray papari, saray empliado tan si alferez inmakseb iran nantotumbokan, ya agmet alingoanan si Kapitan Tiago.
Bukor nen Ibarra so andini. Iganggan da lawari ampesisaw a too ya mangilasoi’ na bato; balet si kura anunotan toy Ibarra tan kuanton inggalaw ya madildilin imbaga: “Akin agkayo mangian met na sakey a kutsaran largamasa, Sinyor Ibarra?”
“Magmaliw ak a singa si Juan Palomo, ya igisak so kanen insan ko met lanlamang kanen,” kuanto met a singa inggalaw nen Ibarra.
“Lakila,” kuanen alcalde tan intolak toy daiset, “no andi iganggan kon agda ilasor so bato, anggad isabi Okum na Dios.”
Diad ontan iran sinalita nen alcalde, apasout a tinraolok si Ibarra. Sinaltan to may melag a kutsaran pilak na baleg a balatyang, ya sengeg na inimisan day arum iran totoo, tan andi talaw ya amaarap ed nepeg ton laen. Ninengneng nen Elias ya abayapf si Ibarra na kanenengneng ya ag nabaliksanan, ya aliling na wad man ya asimpok ed mata to ray amin a bilay tan liknaan to. Si ampesisaw a too nengnengnengen toy dalem na banawang a walad petek day salito.
Si Ibarra kayari ton ninengneng ya agano may ba ton silyar a manbitbitin ed petek na ulo to, ninengneng to met si Elias tan si ampesisaw so lupa to, insan inkuan tod kinen Nor Juan ed bosis ton giwgiwan:
“Iter yod siak itay timban kawalaay largamasa tan yalaan yoak na sakey a kutsara ed tagey!”
Si Ibarra atilak a bukor. Agla nenengnengen nen Elias ta say mata to singa ra impasak ed lima nen am-
