sabilay Equinoccio na Septiembre(1) ondalan irad sakey a libsong dimad Tyrol,(2) no pegley lábi, ya akabalutó ra, tan kapag idalan da ipaegna rad samay manangidakit so sakey a kuartan pilak a singa betel na hielo ya ontan lay kisegawan to. Si pári Dámaso balet aliwan maamot so inkasikato ya singa saraman a papári; magayaga, tan no bilang say tanol na bosis to et mansiglá ya singa toon andi sangga ed panagsalita, ya alutolutod linawa ton maong tan suston amin so ibábaga to, say kakaelek ton magaygayaga tan andi sanisanib punasen to yan makapoy a pakanengneng ed sikato, tan napasout ni ingey toon mangitepel ed sikato ed itsura tod mad salas a kasalisalin ag nanmidias, a sankanengneng iray bitking ton mabagobagó ya masulosulok a pakalmoan nen Mendieta na dakel a pilak no ipaway to ed saray feria ed Quiapo.
Sakey ed saramay akakawes na naugaliyan, melag a lakí, ya andeket so balbas to tan say alenleneg a makatawag na imano ed lupa to say eleng to ya diad kinabaleg to agto komon kien; samay sakey ya ugaw nin balangabalangaan a singa buek na mais so kolor na buek to, singa nengneng toy kasabisabí to ni diad sayan bansa. Sikato yay kasupiatan ton may pransiskano.
"Nanengneng yon siansia," kuanto nia; "no napigay bulanan kila diad sayan bansa, sisiaen yo lay ibabagak. Sananey so manuley ed Madrid, sananey so manayam diad Pilipinas."
"Kien balet. ."
"Singa siak bilang," kuanen pári Dámason intuloy ya inkasil toy sangi to pian agla makasalita may sakey, "siak ta duamplo tan taloy taon ak lan mangakay niluto tan pontí, amtak so ibabagak. Paulian yo latay inaral tan panagsalsalitan marakep, siak kabat koy indio.(4) Pangalaan yo lay kuenta, kasabik dia nipasen ak a tampol ed sakey a báley a melag a túa, balet ta mabolaslás ed panagtanaman. Agko ni natalusan a maong so tagalog, kukonpisaren ko lara balet so bibii tan ma-
(1) Panaon yan nanparparay dukey na agew tan lábi. (2) Sakey a luyag ed Austria. (3) Sarayan taloran papári ya sasalitaen ed sayan tungtong andi arum no ag si Baco ya dios na alak tan duaran kaiba to ya nankikino ran papárin pransiskano.
(4) Say panangingaran day kakastila nen saman ed saray pilipino "indio.”
