too; onsusumpa ed pamatoldk, pakauley tan talonggaring na pigaran kipapasen a totoo ed saray arum ya
walan nipapasen a saginonor.
“Balet ta kapilitan ya akoen yo met a nakaukolan so katonungan tan kaptekan ono okum diad tapew na dalin, ya anggano antoni kakulangan to,” kuanton in— mebat. “Ta say Dios anggan ontan lay karakel na ministro to diad tapew na dalin, singa saray papari, obispo, arzobispo, etc., ya mangikukurang ono mangipapaliwawa na uley to, agto met nibagan malinlinew so iter ton tutol a panguksoy toy nilaksan sangsangan, siblangan tan kolkulan ya napapalesay pansasangal na liknaan day totoo. Nakaukolan, kapilitan tan walad dalay katonungan ya say too et okumen ton tonggal paminsan iray kapara ton totoo!”
“On, no panggaway maabig ya aliwan panggaway manges, diad pangapiger, pamaabig ya andi ecl panaerai ono pangalpong, ta no bilang alingo ed tutol ya inter to, anggapo lay nayarian ton manguman na agawa ton kaugsan. Balet,” kuanton nansalat na tonoy bosis to, “ta, sayan supiatan ag nagawat na pakatalus ko, tan sakey ni nanaabala takayo anta aalagden da kayo. Agyo labat lilingoanan so impegdat kon imbaga ed sikayo natan: wala ray kakabusol yo; manlikas kayo, asikaso yon apigeren so inkasikayo, ta nakaukolan kayo ed kaabigay dalin yon nianakan.”
Insan la nanpatanir.
“Kapigay pakapinengneng kod sikayo lamet ey?” kuanen Ibarra ya tinepet.
“Diad anggan kapigan a pankaukolan yo tan lawas no walay kikanak. Anggad natan agak ni akabayar na utang kon linawa.”
