Diman ed silong na pinarakep a kiosko so pangakanan day atatagey ya inkatoo ed luyag.
Si alcalde manyoryurong ed sakey a sampot na lamisaan, si Ibarra walad biek a sampot, tan diad kawanan to wadman ya akayurong si Maria Clara, diad kawigi to balet si escribano. Si Kpn. Tiago, si alferez, si Kapitan a peles, saramay papari, saray emp’nado tan pigaran mamarikit a wadman a tinmilak, agsi yurong la ra ed labay dan pasen, ya agda la tinunton so petepeteg a kanepegay sinansakey.
Masaysayaksak tan malikeliket so pangakan da, nen mameglepegley la balet, nitan lay sakey ya empliado na telegrafo ya awit toy telegrama tan anapen toy Kapitan Tiago. Saya inawat to tan impatanir toy panbasa to ed saray wadman, tan saraya met tampol dan kinerew ya impikasin basaen to.
Kapamasa to, sinilot toy kirep to, insan tora imbasikaw; pinmuti lupa to, kasanlilikna linmiwawan bigla, ins-an to tinopin magangganat imay telegrama tan inmalagey.
“Sinyores,” kuanton singa alagaan. “Onsabi Sankatageyan a Kapitan General natay ngarem tan pagalangan ton pagtuloyan so magter ya abong koi”
Insan batik ya imanla ya awitoy telegrama tan pati sirbilyita, balet ta alingoanan to lay sombriro to, tan agto la nilingaw ya inasikasoy akamayamay iran tepet day wadman.
Alabas nen sinmabin pakabat et iloob dad baley na tutulisan no nengnengen ed inkaguld ray wad• mad lamisaan.
