“Alagar kipa!” — “Kapigay isabi to?” — “Tungtong yo kari!” — “Si Kapitan General!”
Si Kapitan Tiago arawi la balet.
“Onia diay Kapitan General, say tondaan to diad abong nen Kpn. Tiago!” kuanday arum ya agdala anunotan ya wadman iran mandengdengel so anak to tan tnamanogangen to.
“Sankaabigan met lay anunotan to!” kuanto nian inmebat.
Saramay papari nannenengnengan, ira, ya singa labay dan ibagay onia ed saman a limgis: “Inyan la ngola nen Kapitan General so gawa to, papasakitan to ita>o„ ta say manepeg a tondaan to komon diad konbinto,” at maniapod nanpaparay kanunotan da, aglara inmesel ya anggapo lay angibesngaw na walad isip to,
“Wala lay angibagad siak nitan karoman,” kuanen alcalde, “balet ta agm adisidin petepeteg nen Kapitan General no ontuloy ono andi.”
“Antayo, Sinyor alcalde no kaonongay bayag nen Kapitan General dia?” kuay tepet nen alferez ya singa mapaga.
“Agko amtan petepeteg; amta yo lay Kapitan Gene ral labalabay to tay manggaway andi pasakbayan.”
“Niraya lamet so arum a telegrama!”
Saramay sinmabi onlad si alcalde, si alferez tan si Kapitan, tan ipapakabat da met so isabi Kapitan Gene ral: saramay papari naimano ran maomaong ya anggapoy telegraman para si kura.
“Say isabi nen Kapitan General, sinyoris, naani no a las kuatro na ngarem,” kuanen alcalde ya mabinbinta; “kanian agkayo labat manaapuran mangan!”
Imbaga to yan malikeliket a singa bilang pangibaga nen Leonidas'1’ ed Termopilas'2’ na: “Sayan labi mipandem itayo ed kinen Pluton!”(3)
——————
(1) Leonidas — Ari ed Esparta. Inagel toy dalari ed Termopilas ya iba to ray apat a llbon totoo to. Anggano nen taitalon lasus lay nakdaan ed saraya, alg siansian sinmoner; taloy agew nin siansian abaat toy iloob nen Jerjes ya iba to ray mapalet ya sondalo to, tan diman akipusposan ya ag sinmokon anggad agto impatey tan naopot met ya amin iray ibiba to.
(2) Termopilas — Mainget a dalan ya onloob ed Grecia ed nanlaetay daya tan palandey na Oeta.
(3) Pluton — Diad pananisia ray arum iran inmonan totoo, sikatoy dios ed impiemos.
