Pinmawil so sayaksak na gendat ya tungtungan.
“Andi diay nababalitan managsirmon tayo!” kuay sakey ya empliadon singa nasisikig, a too yan nengneng toy ag makapatey na apangat ya agtonin balot binisuat so bibil ton nanlapod inggapd ton angan tan natan labat sinmalita.
Amin iray makapikabat na inkagaway ama nen Crisostomo agda apukpokay impakagalaw da tan nankikindatan ira ya singa bilang labay dan ibagay: “!Abagey kila!” Kasalsalita yo aliwa!” Walara met balet so sinmabi panangasi ra tan piano napasakbayan la komoy bengat lan makapasakit na linawa, dinisimula ran inkuan:
“Naksawan lagi daiset .....”
“Anto tay daiset?” kuanen alferez; “naknaksawan, unong na panangibaga ra dia, singa adanel angankoy laman to. Anto la man a sirmon!”
“Sakey a sirmon ya alay abig!” kuanen escribano.
“Sankarakpan, araldalem iran kanunotan!” kuanto met nimay sumusulat ed palapagan.
“Nakaukolay biskeg na bala to ta pian makapansalitay onman!” kuanen pari Manuel Martin.
Anganggad bibirbiren nen pari Manuel sirin say paot ton mansalita.
“Tan say inomay ton mangibalikas na kanunotan to!” kuanton inarum nen pari Salvi.
“Natan ko la amta ya say kosinero nen sinyor Ibarra et sankaabigan ed luyag!” kuanen alcalde ya sinalatan toy tungtungan.
“Sikato met so kuanko, balet ta say malimgas ya kaabay da singa agda amo napakanay paga ta aglara wari ontataway,” kuay ebat na sakey ya empliado.
Binmalangay lupa nen Maria Clara.
“Salamat masiadoy pangaasikaso yod siak,” kuanton singa nasisikig, “balet ta.......... ”
“Balet ta masulosulok lay pamapagalang yo ed inkiwala yo dia,” kuanton insumpal nen lawas magalang ed saray bibii ya alcalde, insan inmarap ed pari Salvi ya nankuan ed bosis ton maksil:
“Pari kura, say nanaimanok sanagew lan agkayo oneseesel ya singa kayo sinonunot......... ”
