“Lawas lan masiadon maimanoy sinyor alcalde!' kuanen pari Sibyla ed sansananey a tonoy bosis to.
“Talagan ontay ugalik,” kuanen pransiskanon inmebat a makalna, “lablabien koy mandengel nen say mansalita.”
“Ontan yo met lan sipor et, say aasikasoen yo say panalo yo lawas tan agyo katalo,” kuanen alferez ed tanol na bosis a manusutil.
Si pari Salvi balet agto impasen a galaw; kinmidiam iray mata to, insan inebatan toy onia:
“Amta nen sinyor alferez a petepeteg ya diad sarayan agew aliwan siak so manatalo ono natatalo!”
Si alferez dinisimula toy inkapika to ya inelek to tan ag nankabatkabatan.
“Sinyoris, agko natalosan no panoy pakaarap yon mantotungtong natan na katatalo ono pananalo!” kua nen alcalde ya amegley; “antoy naisipan dad sikatayo ra yay malilimgas, anggaman ag masmasel a mamarikit a pinagalangan da itayo ed indagop da dia ey? No diad siak, saray mamarikit aiding day arpa ed E61ide(l) ya ontatanol ed kaitlekay labi: nakaukolan a talinengen iran maong ta piano saray masamsamit ya anyeweng da ya singa ra itetekiab so kamarerua ed pasen iran mangatatawen ya sankarakpan.......... ”
“Ay, mangaanlong kayo!” kuanen escribano ya malikeliket, insan da bansag a ininom so alak ya walad kopa ra.
“Panoy agko panganlong,” kuanen alcalde ya pupunasan to ray bibil to; ‘say panaon no agto lawas gaweey matakew, gaween toy omaanlong. ’ Antoy isip yo, nen wala ak nid kalangueran nansusulatak met na anlong ya aliwa met iran makapoy.”
“No ontan sirin nilamang yo ray Musa ed impanumbok yod Themis,(2)” kuanton maseksekder nen sumusulat ed palapagan.
“Psch! Antoy nagawaan! Say kugip ko lawas so
bataken kon segepen so takayan ya panpaatagey diad
tapew na dalin. Karoman mangegetel ak na rosrosas
tan ikankantak iray anlong; natan benbenbenan koy
___________
(1) Eolide Sakey a bansa ed Asia Menor.
(2) Nilamang yo ray Musa ed impanumbok yod Themis — Say labay ton ibaga tinondaan ton pinauliay mansulat na anlong ta intalaga toy amin ya inabogacia tan panangikurang na gobierno.
