baston na katonungan tan manlilinkor ak cd talbay katoowan, nabuas ”
“Nabuas ibontok yo tan a baston ed apuy ta pian diad dalang to et napapetang yoy kaonoran yo ran panaon, insan yo demeten lagi cartera na ministro(1)... kuanen pari Sibyla ya insumpal.
“Psh! Nayari met anggaman no tungtungey tua aliwan man ministro so petepeteg a pikugip ko, ta say man ministro sarag na anggano siopan kakaskasnong to ed Gobierno. Sakey ya hacienda ed Norte na Espana ya pamalabasay panaoy tiagew, sakey ya abong a baleg ed Madrid tan daldalin ira tan aboabong ed Andalucia ya pamalabasan met na panaoy sibilao.... Tan manbilay itayo lawas a pinunot so inararo tavon Pilipinas Ag nibaga nen Voltaire'2’ ed siak so: Nous n’avons jamais ete chez ces peuples que pour nous y enrichir et pour les calomnier.”(3)
Saiamay empliado inisip dan angibagay sakey a makapalpalek si alcalde, kanian inian day elek; saramay papari inmalig met ira ta agda amta ya samay abitlan Voltaire et sikatoman lan lamang imay Voltaire ya naynay dan aayewen tan impelag dad impiernos. Si pari Sibyla balet ta amta to, binminta ta inisip ton si alcalde et angibagay sakey a sumlang ed bangat na Religion ono Pananisia.
Dimad biek a kiosko wadman met iran mangakan so ugugaw a manaaral, ya iba ray maistro ra. Kingalangal ira ya anta say naugaliyan day ugugaw a pilipino et ag ira masmasel no akarungo rad lamisaan a wala ray sankaili ono arum a totoon akaarap. No walad sikaray nalingo ed panangikanay kubiertos, banoen ya ibangat na sakey, tan diman la onggapoy baleg a sangsangan ta biek tan biek walaray partido to: walay mangibagay say kutsara so manepeg ya ikana, walay mangipasout a say tenedor, wala met lad tay mangisangsan ya say kutsilyo, tan maniapod ag ira maniiteray punget, diman dala gapoay manngangalngal ya angga poy kasumpalan da ta anggapoy ontulok.
(1) Ministro — Natan singa pasey secretario na gabinete Presidents ono na Bansa.
(2) Voltaire — Omaanlorig, managgaway drama, managsulat na awaran, tan sakey ed saray sanka nibantogan a totood Francia.
(3) Nous n’avons jamais ete chez ces peuples que pour nous y enrichir les calomnier — “Nanayam itayod utel dara nian totoo ya anggapoy arum a ginawa tayo no ag nanpayaman itayo tan nanpauges ed sikara."
