Saray kaatengan da mankikindatan ira, mansisikilan ira, mansisinyasan ira tan diad imimis da sankanengneng so pakakaliket da.
“On!” kuay sakey a biin taga uma ed sakey a ma siken a mansasagsag na gagalen to ed punget na kawayan; “anggan antoy ag panlabay nen asawak talagan panparien koy anakon Andoy. Tua ta mairap so walan panbibilay mi, balet ta nayarian mi mankimey tan, no nakaukolan, anggano mipayabol kami. Agmet la anganko nasapoy maliket so linawa ton ontulong a mangiter na kuarta ta piano makapanpari ray mairap. Akin, agyo nanunotay inkuan nen Hermano Mateo, ya sikato et sakey a toon ag mantitila, ya si Papa Sisto et pomapastol na dueg nen saman ed Batangas? Insan nengneng yo pa met si Andoy ko a, imano yo pa no ag mialaan lay lupa to ed si San Vicente!”
Tan sayan sankalagakan ya ina ngalngalin onterter so ilol to ed pakanenengneng ton si anak to et duaran lima toy manbebenbey tenedor.
“On say Dios mapangasi lawas tan matulong!” kuanton may masiken ya andi tonda ton manggagatgat na gagalen; “no makapan Papa ya tuay Andoy, onia itayon am in ed Roma, je je! sarasarag ko met ni ingey manakar. Et no ompatey ak met la. . . . . je je!”
“Agkayo mapaga, laki! Si Andoy agton balot nalingoanan ya imbabangat yon maniagay buksot, babako tan liken. ”
“Tua tay kuanmo, Petra; malmalet so isip ko met ya si anak mo et atagey so sabien to sankaabebaan la tan angankoy Patriarca. Agak ni akanengneng na ugaw a mas masiglat ya akaaral a manlaga nen sikato! Nanunotan tuak a nanunotan itan naam no Papa la, odind obispo la, insan ilagaan toy buksot so kosinira to ya panpalabasan toy oras. Imisaan toak ni anganko ya inunot tod kamareruak, je je!”
Tan si masiken met, a malikeliket ed sarayan ilalo to, pinano to lamet a kinargaay gagalen imay sagsagan ton punget na kawayan.
“No dengeley Dios so pikakasik tan narapat kon nagamoran iray ilalok, ibagak a siansia naani ed kinen Andoy so onia: ‘Anako paandim lan ami kasalanan mi tan pasegep mo kami lan matintinunos ed tawen.’ Ang-
