gapo lad satay pakakaukolan tin mandasal, manayunal
tan mansaliw na bula. Say walay anak ton Papa nayarian to lay mankasalanan!”
“Ibakim pad man ed abong nabuas, Petra,” kuanen masiken a malikeliket; “ta ibangat kon mansigsig na nito.....(1)
“Panon? Antoy isip yo laki, a? Say walad ulo yo sirin saray Papa igagalaw da ni ray lima ra? No si kura, anta kura labat et say pankikimey to labat et no manmisa diad ompigar nimet labat! Si arzobispo, agla ompipigar, yurong lan manmimisa! Kaniantin say Papa say Papa anganko akarokol ya man misa ya mamaypaypay. Antoy inisip yo lawari a?”
“Ontan man, anggapoy kaugsay pakaamta ton mangkayas na nito, Petra. Maong itan so nayarian toy manlakoy takoko tan pitaka ta piano agto nakaukolay mipayabol, a singa gawa nen kura dia ya tinaon ya onkekerew na payabol ed ngaran nen Papa. Balbaleg so panangasik ed sakey a santon manbibilay ed kairapan kanian liter kon amin ya itutulong so natitipon ko.”
Sinmingger so sakey met a taga uma ya nankuan:
“Alutolutd lad linawak, komari,(1) say anako panaralen kon man doktor. Anggapo lay mipara ed abig na doktor!”
“Doktor! Maya kipad tan kompari,”(2) kuay ebat nen Petra; “anggapoy makapipara ed man kura!”
“Kura? Prr! Kura? Mas atagey so singil na dok tor! Saray agmakayari gagalangen dan singa Dios, komari. ”
“Tabi pad tan! Say kura ontelek labat a mamitlo ono mamipat tan ibaga toy “deminos pabiscum”(3) kanen to lan pati Dios, insan da ni bayaran. Sakey ni, amin a too, pati saray bibii ibabaga rad sikatoy amin a maamot a gawa tan kanunotan da!”
“Eh. .... say doktor ey? Antoy isip yod doktor a? Nanengneng ton ami yaamot yon bibii, pusoan to
_______
(1) nito — Sakey a nengneng na pako ya say pukel to masilesileng, malmalet tan mabisbiskeg tan lalagaen ya gagaween a pitaka, sombriro tan pananginay sigarilyo.
(1-2) komari-kompari — Nanlapo raya ed salitay kastila ya “comadre^ “compadre” ya tawagan day totoo no anak na sakey et inanak na sakey ed biniag odino konpirma ono kasal. Died Pilipinas balet lalo la ed paway na baley mabetbet ya ikana ran singa bilang pangikana ray “kaaro.”
(3) Deminos pabiscum — Dominus vobiscum so suston panangibaga; say talos to, “Say Dios so walad sikayo.”
