ray mamarikit
Agi! . . . . makapan doktor ak ya
anggano sakey simba labat komon!”
“Sa balet so pari ey? Akin say pari agto met nanengneng so nanenengneng ton tay doktor yo? Napalakbatan to ni ingen a! Antayo la may kuandan ‘say nganak ya matimtimpek tan olpon malimlimpek para si kura!’ ”
“Akina, saray doktor mansisira ray tuyo? Onaagasang pa lagi tamord ran mandedelnet ed asin?”
“Akin, narurutak met so limay kura ya singa sa tay doktor yo? Agto nakaukolan ta ag nadepay baga ray daldalin to, tan no mankimey, tutogtugay musiko insan da sisirbiay managpamisa.”
‘Say mangonpisal komari, ey? Lelemlemewen yo tan a gawa?”
“Agak ni akanengneng na ipasen yo tan ya ambelat a kimey! Siak labat komon ta anggano entiron mundoy konpisalen ko! No sikatayo et ontan lay irap tayon manlingelinget itayon manganta tan mansiim no antoy gagaween day arum a totoo, lalo lad saray kabkaabay tayo! Say kura balet onyurong labat, tungtongen da lad sikaton amin! No arum ni ingen et makatemeg ni, balet ta nabendisionan to itayon mamidua, ono mamitlo, napaandi la ray kasalanan tayo, ya wala itayo lamet ed grasiay Dios! Makapan kura ak komon ya anggano sakey a ngarem na kuarisma labat!”
“Sa balet so ... . mansirmon ey? Agyo nibagan mainomay itan a gawa! Anengneng yo la ya sabaysabay so linget nen parin baleg niman nen kabuasan!” kuanton siansia ya ipasout nimay laki ta agto labay so patalo.
“Say mansirmon? Kimey sirin so mansirmon? Anggapoy utek yo amo ? Siak komoy makasegep dimad panamulongan a makapansalitan anggano kapalduay agew ya tamian ko ran panpasnokay amin a too et ang gapoy onangat a onebat ed siak, insan bayaran daak ni! Makapan kura ak komon ya anggano saksakey a ka buasan no wadtan iran mimisay akautang ed siak! Nengneng yo pay pari Damaso, itataba ton maong so panagpasnok to tan panagkabil to!”
Nitan lan tuay pari Damaso ya akar toy singa panangakar day totoon matataba, tan makakaimis, balet
