ta say imis to ontan lay tarok ton pankabusol tan pangigagaem a diad impakanengneng nen Ibarra et abaiangan toy pansasalita to.
Inggalang na amin a tooy pari Damaso, tan anggaman singa ra nikelaway daiset, impatnag day liket na linawa ra ed insabi to, likod labat si Ibarra. Ayari la ran angan, manpapalamis lara tan sankanengneng so alak ya champaña ya manburabura ed saray kopa.
Say imis nen pari Damaso singa abaliw na daiset nen anengneng toy Maria Clara ya manyoryurong ed kawanan nen Crisostomo, balet ta intuloy ton inyurong ed abay nen alcalde tan inkuanton tinmepet ed onman lan keneng ya agawa ed insabi to:
“Wala amoy sasalitaen yo, sinyoris? Ituloy yo labat!”
“Maniinoman kami lay alak tan sakey tan sakey mansasalitay antikey,” kuanen alcalde. “Peles nen sinyor Ibarra ya bibitlaen iray totoon tinmulong ed sikato ed sayay inggapo ton kanunotan ya innunot to ed abig na karaklan, tan sasalitaen toy arkitekto ya nanggaway plano nen onsabi kayo....... ”
“Siak agiko anggapoy amtak ed satay arquitectura,” kuanen pari Damaso ya sinmalabat, “balet ta elekan ko ra tay arkitekto tan saratay mureng a mankakaukolan ed sikara. Nengneng yo pa, siak so nanggaway piano ton tay simbaan ay, anggapoy balbalawen ed inkagawa to; ontan so imbagad siak na sakey a managlakoy alajas ya Ingles ya tinmondan aminsan ed konbinto. No manggaway piano labat, dapot walay pakatalus mon daiset masulosulok la!”
“Kien met balet,” kuanen alcalde ya inmebat nen sankanengneng ton ag inmesel si Ibarra, “no nipaakar met lad pangipaalagey na ankabaleg ya ayaman, ya singa sayan iskuilaan ay, nakaukolan tilay manawag na sakey a toon inaral ton petepeteg, ya tatawagey “perito”........
“Anto tay “perito” ni “peritas”!” kuanton napnoy balaw nen pari Damaso. “Sav mankakaukolav “perito” sakey a “perrito.”(1) Nakaukolan so mas longak nen saray indio ya sikaran dili manggagaway abong
________
(1) Perrito — Uken.
