ukolay bulag pian agto nanengneng. Dia nid sayan bilay nadudusa la ray ateng daran tan a sankaditaan ya uleg.....ompatey irad pangawan je! je! ya singa samay anggapoy kapaktakan dan dálin....."
Agto asumpal so ibábaga to. Si Ibarra abayag to lan tomtumbokey matá ya asireg so lupa to, tan kangel tod impangalamit tod kinen amá to, inmalagey a biglá ya nilokso ton impasaspak toy lima to ed uló nen pári Dámaso ya saya agto ataltalaranay inkatibakiar to, ya ataranta.
Diad gaway inkikelawan tan inkisegawan day wadman, anggapoy tinmalek ya akibiang.
"Arawi kayo!" kuanen Ibarra ed maksil tan makatanagel a bosis, a ginawat ton dinemet so makmakdem a yuro ya sankagatin toy beklew ton may párin agni akaimasmas ed inkabiglaan to; "say agto labay so ompatey, ag onaasingger!
Si Ibarra singa agto la amtay gagaween to: manggiwgiw, tan saray matá to mantetlek iran nengneng day makapataktakut. Inimanesan nen pári Dámaso so nankalkalna ya inmalagey, balet ta inegnaan nen Ibarra ed beklew insan to niyegyeg lan niyegyeg ya anggad inkipatalimokor to ya nipatewek.
"Sr. Ibarra! Sr. Ibarra!" kuanday arum ya makalkalna.
Balet ta anggapoy ni sakey, ni si dilin alférez, ya nanmatalek a sinmingger ed pakanenengneng day yúron manesiab, tan pakaisip dad biskeg nen Ibarra tan kanunotan iran onlalabas ed muling to. Amin da ag ira makagalaw ya aliling day apagpag.
"Sikayon wadtan! Anggapoy inmesel ed sikayo, natan, siak so mansalita! Pinaliisan koy anggaay nayarian ko, linaway Dios ya indagó ed siak, say Dios sirin so mangiter na tutol!"
Maninget so kalilinawa to, balet ta aliling a balatyang ed biskeg so lima ton amenbed samay pári ya maong lay gagaween to nia et ag makalukpos.
"Mareen so parok na pusok, masekder so limak ya ag onggigiwgiw. . . .
Imparlas to ray matá to ed kaliberliber to, insan nankuan: "Ebatan yoak pa, wala diad sikayo so ag
angaro ed amá to, walad sikayo so amusol ed pakanuno-
