tan ed sikato, wala so inanak ed kababaingan tan kaabebaan? ..... Anengnenrr mo la? Narengel mo tan keneng? Sakey kan ministroy Dios na kareenan a lawas mangibabalikas kay masantos iran salita tan religion, et manlipua balet so pusom na kaugsan, agmo anganko amta no antoy kabaliksay sakey ya ama, ta no andi anunotan mo komon so dilin ateng mo! Anengneng mo la? Diad sayan palet day totoo ya lelemlemewen mon agmo ra italtalek, anggapoy kaparam, anggapoy kaolibay na panagnunot mo! No ontan sirin masulosulok lay inka tutolan mo!”
Saray wadmad liberliber to ya inisip dan napatey to la, inandawesan day ginmalaw ya onsingger.
“Paliis kayo!” kuanto lamet ya iningal ed mamagiaw a bosis, “akin, mapaga kayo pa lagin dutakan koy limak na dalan marumsis? Agko kayadyarin imbaga ya mareen so parok na pusok? Arawian yo kami! Dengel yoak, sikayon papari, sikayon manangukom ya ipapasen yoy inkasikayon niduma ed karaklan, tan inisip yon duma met so niiter irad sikayon pankatonungan! Di amak sakey iran too ya maptek a kagagawa tan panagnunot, nayarin yon tepeten va ed baley a pagagalang toy pakanunotan ed sikara. Di amak maong iran mibabaley, lawas dan insaklang so inkasikara ed kaabigan ko tan kaabigan met na Dalin dan nianakan. Say abong da lawas sipaparaan ed ondawes a taga arum a bansa odino saray nipaalis ya onapay ed sikara ed kasegsegangan da! Maong iran kristiano: lawas day nanggaway kaabigan tan ag dan balot nilames so anggapoy nayarian, ono pinaermen so walad kasegsegangan ..... Pati sayan pari ya sankanengneng yo dia natan, pinarawes dad abong da, mabetbet ya pinarongo ran kaulop ed lamisaan, ya impasen da tan tinawag dan kaaro. Amta yo no antoy intomang to ? Pinauges tora, pinalso tora, dinetdetan tora, inlayat to ni ray arum a totoo ya amaunong ed sikara, ya inkana toy kasantosay bebenbenan ton pakauley ya impanmurmura toy lubok da, inekalan toy galang so pakanunotan ed sikara, tan agto tinondaan a ginulo so kareenay panpapainawa rad patey. Tan kulang to ni ya, isosublay to lamet natan ya lalasien so anak! Aarawian ko la, papaliisan kon naynay. .... Nangel yo natay kabuasan ed impanlem
