bayar na impankasalanan; balet ta labay ko met itay agawa ta kabat ko man a tubonbalo, amtak a peteg a
taga San Pedro Makati, tan maong a mansalitay tagalog.
Sa balet so linmad uld to natan so ipaseksek tod saray
katoowan a kasabisabi ton nanlapod Rusia tan ikikinon
toy pangipapatnag to ya agto amtay salita ray ateng
ton dili!”
“No ontan sirin, pinalsa ray Dios insan ira mankakabilan!”
“Ontan man nakaukolan tayoy onsungpa ed satan ya agawa;” kuan met na sananey ya estudianti; “no ag itayo onesel, singa kabaliksan toy onabobon itayo, tan no ontan, nayarin nagawad anggan siopa met ed sikatayo. Ompapawil itayo ed panaon nen Neron!”
“Nalilingo ka!” kuay ebat met na sakey; “Si Neron sakey ya atagey ya artista, si pari Damaso balet sankaugsan a managsirmon!”
Duma met so salsalita ray totoon nagnap lara ed taon.
Legan dan tinmonda ed sakey ya abong a melag ed paway na baley ya manaalagar na isabi Kapitan General oniay inkuan nen kapitan:
“Mairap met ya ibaga no siopad sikaray walay katonungan; ontan man, no si Sr. Ibarra komon et akapan agamil na tepel........ ”
“No si pari Damaso komon et naagamil toy kapalduan impantepel nen Sr. Ibarra anganko so labay yon ibaga?” kuanen D. Filipo ya sinmalabat. “Say mauges ditan ta abaliktar: say tubonbalo sikatoy pinmatnag a singa masiken, tan si masiken balet nanmaliw a singa ugaw.”
“Antoy kuanyo, anggapon balot so ginmalaw, anggapoy sinmingger ya amelsay ed sikara, likod labat si anak nen Kpn. Tiago?” kuay tepet nen Kpn. Martin. “Anggapod saray papari, ni si Alcalde? Hm! Lalon aliwa! Agko saló labay so onlad pasen to! Agda tan napirdona ed impakapatakot tod sikara. Kuanko la ta mas lalon aliwa, hm!”
“So pakaisip yo,” kuanen Kpn. Basilion tinmepet ya mapilit a mikabat.
“Ilaloan ko,” kuanen Don Filipo kayari ran dua ya nanlimgisan, “ya ag pauliay baley. Nepeg tayon nunoten so ginaway boleg ton kaabigan tan samet so gaga-
