Nannenengnengan iran amin. Agda ni nangnangel iman a salita.
"Mauges itan sirin a ngaran?" kuanton tinepet a makalna may taga uma.
"Onaa! Sankaugsan latan a nibagay sakey a toon kristiano ed kapara ton kristiano!"
"Mauges ni nen say 'tarantado' (1) tan 'saragate'? (2)
"Ay, no satan labat, antoy wala ey? Aminpigá daak lan tinawag na ontan et anggapoy agawak, ni sinmakit so eges ko et andí!”
Aliwa angankon mas mauges nen say "indio" ya ibabága nen alférez!"
Samay anganggaan lay komakaríton so nasabi anak to, binmilunget so lupa to; samay sakey, ginugo toy uló to ya singa mannonunot.
"No ontan sirin singa betelapora (3) ya ibabága ton may akulaw nen alférez! No mauges ni nen satan aliling to lay lukdaan so lamay Katawan!"
"Mauges ni nen say lukdaay lamay Katawan na Viernes Santo," kuanton inmebat nimay inmonan nan- salita ya mabinbinta. "Nanonutan yo angankoy salitan ispichoso (4) ya no nibaga labat ed sakey a too et masulosulok lan pangerelan dad sikatoy guardia civil nen Villa-Abrille (5) ya ipaliis dad arum a pasen odino iseksek dad pangawan; mas mauges ni plebestiero. Unong na kuanen telegrapista tan si directorcillo, no say sakey a kristiano, sakey a kúra, ono sakey ya kastila et tawagen day "plibestiro" so sakey met a kristiano ya kapara tayo, singa la kabaliksan toy santusdeus ya iba toy requimiternam (6) ta no tinawag da kay plibustiero na-
- (1) tarantado — Salitay kastila ya say talus to "toon agto amtay gagawaen to ono mureng."
- (2) saragate — Salita ed Mexico ya say labay ton ibaga pilyo ya managgulo.
- (3) betelapora — “Vets a la porra," sakey met ya abeban salita ed kastila ya aliling to bilang so panangibaga rad Ingles na "Tell it to the policeman" (Laka to ibagam ed polis) na walay agda sisiaen, ta say talus to samay "batuta" na polis.
- (4) ispichoso — "Sospechoso" so suston panangisulat, tan say talus to so "sakey a mauges a too."
- (5) Guardia civil nen Villa—Abrille Diad sayan taon sinmabid sayan báley si Sr. Komandante Don Faustino Villa-Abrille ya aturon mangerel ed saray mauges a totoo ya naplag ed lima to ray nababantog a tutulisan a Nicolas (allas Igal, Anobing) Pangalany tan arum nira. Sayan Komandante sikatoy komaduan akapareen ed lúyag; legay impanayam tod sayan háley, dinmeen so panagsabat day tutulisan, takew, samsam, sikot, tinmonda. Aliwan maruksa balet ta maptek. Mabiskeg, ya sakey a lima to labat nipakabayo tan niepas toy sakey a tulisan a maong a impanlaman.
- (6) Santusdeus ya iba toy requimiterman Sanctus — "Deus" tan "Requiem Aeternam" so panangisulat ya susto; dasal irayan para saray inastey.
