makasasalangga, ankakabaleg tan agurelgurel iran sengeg na kiew so binmenlag a manasamben na agos, tan diad ontan manungol so ilog, mantagey so danum, mankabaleg iran manbetag so daluyon, mansibuag ed tagey so bura, singa isisikdak so danum ed saray batobatd, insan manungol ya ompepelag ed lipnok.
Mandasal komon, et siopay makadasal no nakal lay ilalo? Nayari mandasal no wala ni aalagden, et no anggapd, diad yarap tayo ed Dios anganggaan tayoy mantagleey. — “Dios ko!” kuay puso ton maningel “akin et idumam ya ontan so sakey a too, akin et isiblet ed sikatoy panangaro ray kapara ton pinalsa? Agmo yaawa ed sikatoy sindag na agew, pinanabangen mod dagem, agmo met sasaniban ed mata toy gayaga ray katawenan, akin balet et yawam ed sikatoy aro, anta manbilay man ya anggapoy dagem, anggapoy agew tan agto nanengneng so katawenan, et no andi aro ag nayarin manbilay?”
Onsabi kasin anggad tronoy Dios irayan tagleey to ya agda narerengel na katoowan? Talinengen ira kasin mapangasi na Ina ray masegsegang?
Ay! Saman a sankapangaskasiyan a marikit ya agtola anengneng so dfli ton ina, insingger ton ipipireg iray irirap ton nisengeg ed saray aro diad tapew na dalin, ed saman a puson andi taldeng a bukor labat alikna toy panangaroy anak tan ina: diad onman lan kaermenan ya akalimbos ed sikato, tinmangay ya onaapay ed talintao na biin pinasantos a nisaponay amin a karakpan tan ayadyarin uliran na talbay pulok na kakristianoan ya tinipon ton impanlaktip ed inkasikatoy duaran sankaabigan a kipapasey bii — Virgen tan Ina — tan andi alikna ton segsegang, a tatawagen tayoy Maria.
“Inak! Inak!” kuantod irap ton maningel.
Diman asabian nen Tia Isabel nen anapen ton awiten, ta sinmasabi la ray amimiga to tan labay a pisalitaan nen Kapitan General.
“Tia, ibaga yon agmakayari ak!” kuanton mikakasi ya mapalaloy takut; “no ompawayak, panogtogen daak na piano insan daak pangantaen!”
“Anako, insipan nen amam; paturingan mo sirin?”
Inmalagey si Maria Clara, ninengneng toy panginaen to tan niyesyes to ray taklay to ya nankuan:
“Ah! No walad siak komoy
Agto la insumpal, tan ginapoan to lay nanpales tan nanapiger.
