kuanton may ayudante ed saramay papari; “loob kayo,” insan to inkuan ed samay tubonbalo.
Samay taga Ibale ya napanbabaloan toy salitay griego tan salitay tagalog, linmoob dimad salas ya ampotipoti lupa to tan manggiwgiw.
Mankelaw ya amin iray wadman: masiadon tua angankoy petang na ulo nen Kapitan General akin et ontalek a panalagaren to ra may papari.
“Anggapd met so ibagak ed sikato mandadarak ak labat diay tiempo!’ ’ kuanen pari Sibyla.
“Ontan ko met,” kuay sakey ya agustino, “itila?”
“Ag maong kasi no kabaten tayo ni no antoy kanunotan to?” kuanen pari Salvi ya tinmepet, “sakey ni napasakbayan tayoy nagawan labir. . . . insan .... nayari met a nipanunot tayo ed sikatoy susungpalen ton nipaakar ed Religion.......... ”
“Saray Kagalangan yo, nayarian yo lay onloob no labayo,” kuanton may ayudante ed saramay papari, nen ompaway ya iba to may tubonbalon agto natalusay salitay griego, ya say lupa to natan maligligan nengneng toy napnapda.
Inmonan tinmobong si pari Sibyla tan manomtumbok ira di pari Salvi, pari Manuel Martin tan saramay arum a papari. Angilugay iran mapaabeba, likod si pari Sibyla ya pati impangitewek toy ulo to singa napatnagan ya ipapasen toy inkasikaton mas atagey; si pari Salvi balet intewek to la warin nanlapod balambang to.
“Siopad kagalangan yo ray pari Damaso?” kuay biglan tepet nen Kapitan General ya agto ni ra pinayurong ya inmona, ya agto met tinepet no antoy itsura ra tan anggapoy imbaga tod saray naugaliyan ya panagdayew a pasal dan dengelen na singa sikaran atatagey ya inkatoo.
“Si pari Damaso, sinyor, agmi iba!” kuay ebat nen pari Sibyla ed siglaan met a bosis ya kaolibay na impanepet nen Kapitan General.
“Mandokdukol ya agmakayari so lawas managlingkor ed sikayo,” kuanton impano nen pari Salvi ya mapaabeba; “kayari min mangilugay ed sikayo tan mikabat ed itsuray pakalikna yo, ya unong ed manepeg a sumpalen day amin ya matulok a managlingkor ed Ari,
