kami dia ya anggapon balot so amta min nipaakar
ed Bansá, tan no nagagapoan mi lan nakalkalnaan ya
nakabatan so saya saman, onsipot kami met la lamet.
No diad sikayo ibagak so katuaan ta anggapo may kakanaay pangisanib ko. Kanian no diad España ya kapag sakey a sangay Gobierno et walay dilin ministro to ya
mangikukurang, ya inanak diman tan binmaleg diman,
ya walani nimet iray Palapagan tan "Panagnunot" day
ombaley a makatulong ed sikato ed pikabat toy kaisipan tan liknaan day totoo tan arum iran nagagawa, tan wala met so "togiop na oposición" a kuan a manlulukas na matáy Gobierno, et dakel nin siansiay ompapaway iran kakulangan, sakey met lan milagro no
dia et ag agolgol ya amin, anta anggapó dian balot
so kainomayan, tan walani nimet so mabiskeg ya "Oposición" ono onsusumlang a manbibilay tan mankikimėy ya ag nalikas ed kabilungetan. No say pilalek min manggaway kaabigan agkami onkukulang a manouley, balet ta mabetbet a napasout kamin mangimatalek ed matá tan taklay day arum a totoo, ya totoo ra nimet ya agmi kabkabat a maong so walna ra, ya nayarin inbis a
panlingkoran day báley da et, say panlilingkoran da say bolsa ran díli. Saya balet agmi kasalanan no agta kasalanay onkukurang iran nagagawa; tua ta saray papári
et balbaleg so pakatutulong dad sikami, balet ta say tulong a niiter da makulang nin siansia ya tuloy. . . . . Ag naekal ed linawak so pilalek kon makatulong a mangiter
ed sikayoy kareenan ed panagbilay, tan labay ko komon a saray kakulangay peles ya onkukurang ya Uley diad sikatayo et agda kayo komon napaunong..... Amta yo la, anggan antoni pilalek ko agko met la nabantayan ya ami too, tan agmet ira makadagón amin ed siak. Walay pakatulongan kod sikayo, walay labay yon kerewen?"
Nannunot si Ibarra ya aganó.
"Sinyor," insanto kuan ya inmebat, "say sankabalgan ya pilalek ko say liket na báley ko, liket a labay ko komon ya andi arum a makapangiter ed sikato no ag say dílin Inan Bansá tan say seseg day kabaleyan ko, ya manlaktip irayan dua ya tekepey magnayon a siknol na manparparan gagála tan manibiba met a kaabigan tan bolaslás dan dua. Kanian say kerewen ko bu-
