mamakauley tayo ed kaabigan lan lamang na Togiop ..... tan kaabigan ko met a díli."
Inmonaonad saman a lábi ya si pári Dámaso et singa nakokusoy kalakal to. Bengatbengat to intabig so poniti to ed benbenay yurongan a kawalaan to, nginmesway balbaleg tan inkuanto:
"Ono walay religion ono anggapo, ono saray kúra et nagawaan day labay da ono andi! Nadederal so bansa, aderal lal"
Nikelawan so amin a tood salas tan linmingaw irau amin ed saman a doipo. Tinmangua may dominiko tan pinasekiapan tod leksab na salming to. Saramay duan kataon taga arum a bansa ya manaakarakar dimad sakey a sampot na salas, tinmonda ran nannengnengan, nginmiriyet iray daiset tan intobat da lamet so panaakar da.
"Mauges so uló to ta agyo tinawag na Reverencia," kuanen Sr. Laruja ya inesaes ed layag ton may tubonbalon balangabalangaay buek to.
"Antoy labayon ibaga? Antoy nagagawa yo?" kuandan nanbansag a tinmepet imay dominiko tan samay teniente ed nandumaan a tanol na bosis.
"Sikatoyay pansesengegay dakdakel a kaugsan! Saray manouley sekderan daray hereje ya ontonganga ed saray ministroy Dios!" kuanton intuloy so salita ton may pransiskano ya intagey toy mabisbiskeg tan ankakabaleg iran poniti to.
"Antoy labay yon ibaga ey?" kuanto lamet a tinmepet nimay tenienten asilot so kirep to ya midio inmalagey.
"Antoy labay kon ibaga?" inulit nen pári Dámaso ya inkasil toy bosis to tan inarap to may teniente. "Say ibabagak say labay kon ibaga! Siak, say labay kon ibaga so no say sakey a kúra et paekal tod kamposanto so bangkay na sakey a hereje, anggan siopa, ni say dilin ári, anggapoy pankatonungan ton mibiyang lalo lay mangiter na dusá. Nitanla balet so sakey a "generalito," sakey a "generaliton" segsegang na báley)
(1) Say labay ya ibaga dia si General Terrero ya atawag na onia lapod tinmonganga ed saray papári tan nisengeg met ed makapoy ya asumpalan day imbaki toran sondalo ed Ilog a Baleg na Mindanaw, a parasuko ed datu Uto.
