lan togtog! Alay dumá to ed saray anieweng a nangel da ray tinmonbok ed kurang mo nen sikay inatey! No unolí ka balet ed bilay natan, magalang tan mapaabeban angiletneg ed orden day pranciskano, alenleneg a nanengneng mo ray nanpasoner tan inmouges ya Elias de Cortona (1) tan no nabirbir da ka anganko ray ának mo (2) iseksek da ka ed pangawan tan midamay ka lagi ed palar nen Cesario de Speyer!" (3)
Diad beneg na banday músiko ya angulop ed San Francisco, manomtumbok so sakey ya estandarte a kawalaay estampa lan lamang na sayan Santo balet ta impinta ya pitoray payak to, ya saray manaawit Hermanos Terceros ya akakawes iray hábito ya guingon tan mandádasal ira ed bosis dan maksil tan pakaskasi. Ontan met ya andi amtan makasengeg, say manomtumbok si Santa María Magdalena, talintao ya analongaring ed karakpan tan kalimgasan, a buek toy makapakapal a kulet tan walad líma ton sankabenbenay
gamet to ran napnoy singsing so sakey a binordaan a
panyoliton piña, tan nankawes na sutla ya pinaparakep
na pinipitpit a balitok. Aliktob na silew tan papásobay
incienso. Sankanengneng iray lua ton salming ya aaninagan da ran may silew na Bengala ya nambabangil a kolor a mangiiter met irad líbot na kanengnengan a
nidumadumá, kanian ontan a mansasalat so nanengueng a kolor na lua to nian santa ya makasalanan (4) a no arum malabuyong, no arum ambalangá, no arum inanagan, etc. Diad saray kaabongan say panseselsel dara nian nambabangil a kolor a silew, no onlabas lay
San Francisco. Si San Juan kalamor agtora ya nasasalin panamagalang, tan onlálabas a masigsiglat ed baleg a kababaingan to ya bukbukor to labat so akakawes na
katat na ayep ed utel day totoon saray kawes da et ankabli ya inoukonay balitok tan binotakbutakay mankidiam iran ankablin bató.
(1) Elias de Cortona Sakey met a párin pranciskano ya katiempoan nen San Francisco.
(2) ának mo - Saray paparin pranciskano
(3) Cesario de Speyer -- Pári met a pranciskano ya katiempoan met nen San Francisco.
(4) santa ya makasalanan --Si Santa María Magdalena sakey a biin nagnap ed kalimgasan, ya diad gapó et nanbilay na mauges. Balet ta diad impakanengneng tod Katawan tin Jesucristo, nen saya et manaakarakar ni diad tapew na délin, tan nen nilimgis na Katawan, nagbabawiyan ton ami kasalanan
to ya gapó la may impanbilay ton sa nakasimpitan a nanmaliw a santa.
