kekkekelag ni. Ontan man diad utel ton man a magmagket a pulok na totoon nan hábito, nanbabalkes na lubir, nansasakbong na uló ray singa sakbong day papári
arum, tan kaparay pandong day mamadre so arum, diad tanol na dasal da ed bosis dan apasakey tan ginagalan impaanges, wala ran nanengneng a singa amusiak a rosas na jazmin odino kabusbuskag iran rosas na sampaga ya akilaok ed datdaan iran luplupot, so labinduan ugugaw a bibii ya nankawes iray ampoti tan nanbalanget iray rosrosas, a buek day kinukulet a marakerakep tan kanenengneng day malikeliket a mabilabilay a singa kidiam na kuintas da ran baton ankabli tan balitok. Aliling da ray diosa bilang na liwawa ya arakep da ran may anyani. Akapeket irá ed duaran malapar a lason inanágan ya insinger ed nantopag a diking na karroy Virgen, a diad pakanengneng ed sikara et na-
nunotan ira may nanenengneng ya akapintan malapáti ran ampoti ya manggagayugoy na karroy Primavera. (1)
Amin day inlíbot iran talintao wadman laran atiptipon a nanpipitpitan iran maong a nanpepeketan lawari ya mantatalineng iran manaalagar na igapon anlong; amin met a too akaarap so matá ra ed samay telón onó kortina ya akalukas na melag; kasanlilikna nangel so aaah! ya napnoy dayew a nanbabansag a pinmaway ed bibil day amin a wadman a katoowan.
Tan kanepegan to met iman a dayew; ta say pinmaway ed impangilukas na telón sakey a manbalbalolakin nanpayak, nanbotas na ikakana ray mankabayo, nanbanda, nanbalkes, tan nansombriro na pinaparakep na mamalongpalong a bagoy manok.
"Si sinyor, Alcalde Mayor!" kuay sakey ya akaeyag; saman balet a makapakelaw a pinmatnag ed matá ra, agto ya inasikaso tan ginapoan to lay nansalita ya agmet inmuges so liknaan to ed impangipara rad sikato ed kinen Alcalde Mayor.
Anenen nin ikurit ya idalatdat dia so amin ya imbaga tod salitay latin, tagalog tan kastila ya inanlong,
(1) Primavera -- Diad arum iran pasey mundo, singa bilang diad Europa
zan América, say sakey taon naapag ed apatiran nanduruman panaan, ya aliwan singa diad Pilipinas a say wala et mamauran tan tiagew labat. Sarayan apatiran panaon niraya. Primavera, ya panagbulong tan panagrosas day tanaman tan kakiyewan; Verano. -- panagbunga; Odoño -- ibalanga tan panagduldul day bulobulong, tan igapó met lay uran; Invierno, panaon ya ipepelag na hielo ya kapukepuke! a kataglaglang iray kakiyewan tan akúbutan iran lanang na hielo ya ontan met na amin apasen.
