"Pári kúra, si Kapitan General, Vice Real Patrono!" (1) kuanen militar ya inmingal tan inmalagey.
"Anto tay Kapitan General ni Vice Real Patrono!" kuanton inmebat nen pransiskano ya inmalagey met. "Nen inmona ran panaon insagarsagar komon ya anggad leksab na takáyan a singa ginawa ray Togiop day papári ed samay andi pananisia ya gobernador Bustamante. (2) Sikaramay kuankon panaon na malet a pananisia!"
"Ipasakbay kod sikayon agko abuloyan. . . . . Si Kapitan General ilalaman toy Ari!"
"Anto tay Ari ni sondalo! Diad sikami saksakey so peteg ya Ari (8)
"Tonda kayo!" kuanen teniente ya maningal a mamagiaw a singa bilang say pisasalitaan to et saray sondalo to; "ono babawiyen yo tay imbaga yo, ono nabuas a tamtampol ipakabat kod Kapitan General!"
"Lakíla natan a tuloy, lakíla," kuanen pári Dámaso ya napnoy balaw tan sinmingger ya inelet so poniti to. "Say isip yo lági, lapod akakawesak na ábito kulang ak na.....? Lakila ta pabayesen takini luganan ko!"
Makapalpalek lay nasusumpalay supiatan, maong ingen ta amegley imay dominiko:
"Sinyores!" kuantod bosis a napnoy pakayari tan singa onlalabas ed eleng a kalakalat day papári. "Agyo pansasamoken iray pamaakaran tan agkayo met manaanap na pamasakit na liknaan no anggapoy gagalan mamasákit. Nepeg tayon pandumaaney ibabalikas nen pári Dámaso ya unong ed salitay sakey a too tan salitay sakey a pári. Saray salitay sakey a pári, per ag ira makapasákit ta manlalapo rad katuaan. Saray salitay sakey a too nepeg iran pankaduaen: saray ibábalikas ton ab irato," saray ibabaga ton ex ore(6) balet
(1) Say labay ton ibaga so si Kapitan General ilalaman toy Ari. (2) Nisesengeg ed sebeg tan elet to ed panagsingil toy pilak a nabebetangay Gobierno ya manlapod komersio ya aawiten da diay sakayan a manlalapod biek na dayat, sayan Gobernador Fernando de Bustillos Bustamante y Rueda pinatey day magulón totoo ya impangulo ray papárin ampoti nea ocrubre 1719, ed dilin palasio to. (3) Kasakbayay impatay nen Femando VII ya arid España, walay inekal ton totumboken a ganggan ya isesebel toy itawir dad trono na ának iran bibi, kanian diad impatey to akasublay a nanreinay anak ton Isabel II. Sara balet so papári ed España agda labay a birbirey reina Isabel, ta say labay dan panarien si Don Carlos V de Bourbon ya agí nen Fernando VII. (4) Diad inkasikaran dili. (5) Diad petang na uló.
(6) Dia labat ed salita.
