abukolan, tinmolok met a totumboken toy papaibaga nen asawa to, anggaman makakakaró lay daiset.
"Fe... lipe, Felipe .... nas, Felipenas, ontan sirin?"
Naelew lawari kabo. Panon lamet kasi impanmaliw ton Felipenas ya aliwan Felipinas? Odino nakaukolan sirin a say suston panangibagay ngaran et Felipi? Kaniantin saman ya agew lapod pati sikato et sinmabi met lay duarua to no dinay susto, agla inmesel. Tinaynan toy asawa to tan linman nanbubukay na liblibro. Lalon tua ya mankelaw, a puropuró lan puropurod saray matá to: -- Ninengneng to lamet ya inapipiger ..... niletra to ni. . . . . Fi-li-pi-nas.... Filipinas kuandan amin iramay libro; no ontan sirin anggapoy susto ed ibabaga ran duan sanasawa.
"Panon?" kuantod inkasikaton díli, "nayari kasin mantilay Awaran? Akin agto ibabara nian libro ay, ya si Alonso Saavedra et inngaran to ra van kapoloan na onia va innunot ton pamagalang ed infante (1) ya Don Felipe? Panon sirin so inkasawa to. akin et naoman ey? Ompano indio yay Alonso Saavedra. . . . . ? (2)
Impanon to ray duarúa to ed sargento Gomez ta ipapasen ton makabat manlapo ed manpapári lawari nen ugawugawen ni. Saya ag labat linmingaw, manabtabakon ipugpugso tod tagey so asewek, tan manlapod malastog lanti, amagamagan inmebat na onia, ya singa nagnagnap ed kakabatan:
"Nen panaon iran inmona say panangibaga Filipi, aliwan Felipe; sikatayo natan a mimilad kurang na panaon tan kurang met na moda, ya mimialig itayo ed saray taga Francia, agtila naakoy mantumbokan a duaran i. Kanianti ya saray totoon atagey so aral da, lalo la ed Madrid. . . . . agka ni akakar ed Madrid? - saray totoon atagey so aral da, kuanko lamet ya umanen, gagapoan da lan sasalatay i na e ed akamayamay iran
(1) ininte --- Anak a peteg na ari ya aliwan pangoloan.
(2) Alonso Saavedra Nen taon a 152'-29 si Alvaro de Saavedra angipanguloy sakey a naandiay palar ya "expedicion" a gagala tan pangala na tatawagey "Kapoloan ed Seslekan". Say ngaran ya "Filipina" ya innunot a pamagalang ed Principe de Asturias ono mananawir na tronoy España ya inngaray Felipe II nen sikato lay manauley ya Ari, sikatoy impanawag ed polo anganko ya tatawagen tayoy Leyte natan, ya inter yan ngaran nen Ruy Lopez de Villalobos, a sakey met yan angikurang na andi palar met ya "expedicion" nen 1542-43. Diad panaskar na panaon inter yan ngaran ed amin lan Kapoloan dia.
