sailta ya singa bilang menistro, enritacion, embitacion,
endino, etc., a sikatoyay tatawagen na ontumbok ed moda.”
Si pobren kabo agni akakar a balot ed Madrid, kanian anggapoy amta tod sayan nagagawa. “Akamayamay manayay naaralan ed Madrid!” kuantod lidlinawa to.
“No ontan sirin say suston panangibaga natan “Singa panangibaga ray toon daan! Filipinas! Agay kala salo! Agmo ta amtan aliwa nin atagey so aral ed sayan bansa?” kuay ebat nen Gomez a napnoy panmurmura.
Si kabo anggaman ag akataew ed aral. tan angga poy amta ton salita ray arum a bansa, maong ya asawa, kanian mapilit met a naamtaan nen asawa to so naaral to, kanian inkuento to nen sinmabid abong:
“Consola, panon imay pananawag mo ed p..... ya baley mon nianakan?”
“Panoy pananawag ko? Unong na imbangat mod siak: Felifenas!”
“Tupaken takay taburete, p----------- ! Magmaong ni pangibabagam karoman, ta asisingger ni ed moda. Balet ta say manepeg a pangibaga singa panamitla ray toon daan! Feli. ... ay andi, Filipinasi!”
“Say isip mo sirin, akulaw ak? Antoy onseseksek ed utek mo?”
“Andibali! Ibagam so Filipinas!”
“Anggapoy ganas kon mangibaga! Aliwaak a kagawaan a daan, — talomploy taon koni labat!” kuanton inmebat, tan inlislis toy taklay na aysing to ya nengneng toy onlaban.
“Bitlam, rep————, ono itopak kod sika yay taburete ay!”
Anengneng nen Consolalidn so andawes na lima nen asawa to, nannunot tan ginapoan ton inmeremere ya manlinlinaway ankakabaleg:
“Feli. . . . Fele. . . . File. ...”
Pum! Krrakk! Tinmekiab so taburete ya sikatoy angisungpal na bitbitlaen nen bii ya salita.
Tan say pangibabangat nen laki asumpal ed ponitfan, guyamesan tan tampalan. Sininkat nen kabo ed buek, sikato met tinekmelan toy asawa to ed balbas tan
