arum nin pasen na laman,-------- agto naketket ta mantenieg lan ami ngipen to-------- inmeyag si kabo ya
bansag na impangikban tod asawa to, akipirdonaan, inmagos so dala, walay matan binmalanga, agilaygilay
si aysing, pinmaway iray pasen na laman a yaamot, balet ta ag akabutay so Filipinas.
Onia ray nagagawa kapag naarap day mantong tong na nipaakar ed panagsalita. Si kabo ta nanenengneng toy panpapasoner nen asawa to, nanaermenan kalamor ed pannodnunot to ya kalabas na samploy taon agto la lagi amtay mansalita. Tan onian tua so agawa. Nen mankasal ira amta to ni salitay tagalog tan nibaga to met ni daiset so labay ton ibaga ed kastila; natan ed panaon ya onkukurang, anggapo lay napetek ton salita. Diad gaway impakagusto tod sinyas, anggapo lay arum ya ikakana to, ya pipilipilfyen to nimet iramay makmaknol tan malinlinew ya apalakbatan to ni Volapuk (1)
Apalpalaran nen Sisa lanti ya apugtay gusto to ta agto atalusan so pagagawa to. Linmiwaway kirep to tan akaimis na napnapnek — a say walad uld to so agto la amtan tua sirin so mansalitay tagalog, kanian orofea la.
“Asistente, ibagam ed sikato ed tagalog ya manganta! Agtoak natalusan, mapatnag ya agto amtay kastila!”
Atalusan nen ambagel si asistente tan ginapoan ton kinantay “Kansion na Labi.”
Nen kagapo, dedengelen nen Donya Consolacion a manimimis na makababalaw, balet ta nankalkalnan abural so imis ed bibil to tan tinalineng ton maong, insan binminta ya nengneng toy sinonunot: Samay bosis, say tanol da ran may anlong, samay dilin kansion singa atenieg day liknaan to; samay amagaan tan kinmebet a puso to napgaan lagi uran. Natatalusan ton petepeteg so ibabaga ton may kanta: “Say kaermenan, say betel, tan say linaew ya onlulusor a manlalapod tawen ya abalkot na bilunget na labin aralem,” ya itatagleey ton may kundiman singa met onsasabin anggad puso to. “Say rosas a nalnes tan amagaan, a sanagew ton impangtay karakpan to tan manaalagar na dayew a napnoy kinon,
(1) Volapuk — Klase panagsalita ya ingganan ikanay sankamundoan a ginawa nen professor a tr.ga Suiza, J. M. Schieyer nen taon a 1885.
