diad kasabi mansilunget, napnoy babawi lagi tan nakalay ilalo, yaaliwaswas to kalamor ya itangay ed tawen so
inkasikato, ya mikakasin onkekerew na mogmon bilunget a makasakbong ya makasanib ed sikato, pian komon diad kauyos na bilay to et agto la nanengneng so
balaw ton may liwawa, ya akamuria ed abig tan karakpan to ya agto balet atebek so kinon tan tagey na linawa to, tan mipapayabol met lagi daiset a linaew ya
onterter ed sikaton aliling na lua bilang ed kaandi to
lad bilay. Say manok a katetekiab toy labi, taynan to
met lad satay kabukbukoran ya ayaman to, ed longog
na sakey a sengeg na kiew, tan guloen ton deraley kareenan tan kaermenan day katakelan....... ”
“Susto Iatan, agka la mangakanta!” kuanen asawa nen alferez a bigla ed makmaktek a tagalog ya inmalagey a biglan singa kusokusd; “agka la mangakanta ta nasusugat so liknaan ko ed satay kantam.”
Tinmonday ambagel; samay asistente balet agto apokpokay impakapangibolos toy, “Ay amta to manayay tagalog!”, tan akasangin sankanengneng toy sinyora to ya mankelaw.
Atalusan nen Donya Consolation so inkilawan to; abaingan tan maniapod dumay inkapalsa tod saray kapara ton bibii, saman a inkabaingan to nagmaliw a sanok tan pankabusol. Inturo toy pinto ya pinapaway imay asistente insan to indepak ya impalalkab a inkapot nen kapaway to. Linmiber ya aminpigad man ed pananganan a titilitilien tod maulaulat iran lima to may latiko, insan biglan tinmonda ed arap nen Sisa tan inkuan tod kastila:
“Sayaw ka!”
Ag ginmalaw si Sisa.
“Sayaw ka, sayaw ka!” kuanton pinidua ed tanol na bosis a makapataktakot.
Sankanengneng nen ambagel, balet ta say mata to singa ra teregtereg ya anggapoy ibabaga ra. Si Donya Consolation intagey toy sakey a taklay to, insan to imbales so sakey, a niyeyegyeg to ra, et anggapoy agawaan to ta ag natalusan nen Sisa.
Ginapoan toy manloklokso tan mankugkugtot ya idadali to may sakey ta piano onalig. Sankarengel ya anggad mad kawalaan day togtog na libot, sakey a
