marcha ya ambelabelat a napnoy kabintaan, balet ta ag
kukompasan nen Donya Consolacion, no agta manlokson pinasia ya kukompasan to lagi togtog a bukor to
lambengat so makarerengel ed inkasikaton dili. Sankanengneng nen Sisa ya ag onggalagalaw; nagogonoyan,
nankalkalnan pinmatnag ed mata toy kelaw, insan akaimis na daiset a samet ginmalaw iray bibil to. Makapalpalek lagi pakanengneng to ed sayaw ton may sinyora.
Saya tinmondan singa abaingan; intagey to may latiko, samay latiko nen asawa to ya bantog ed saray mamatakew tan saray sondalo, ya gawa ed Ulango(1) tan inapiger ni nen alferez a pinapanoay nilulubir a balatyang, insan inkuanto:
“Natan sika balet so onsayaw sayaw ka!”
Insan to ginapoan a sinisipsiplatay makalna ray sali nen Sisa; saya kinmuliseng ed sakit tan sasanggaen to may lewet na lima to.
“Aja! Onggagapo ka lan siansia!” kuantod maruksan impakaliket to tan pinaspasan toy impansiplat to.
Akaeyag na ampaipait imay pangaskasiyan a bii tan intagey ton biglay sail tom
Onsayaw ka ono andi, p----------- india?” kuanen Sinyora ya bansag na latikon manalitengteng tan manngisiw.
Inlespak nen Sisa ya inakop to ray sali toy sandua to ran lima, ya manmoldag iray mata ton sankatereg tomay manduduksa ed sikato. Apasoot ya inmalagey ed indapoy amiduan sikdak na latiko ed beneg to, tan aliwa labat lan aglem no agta singa tagloong ya andukedukey so nibesngaw to. Apilat so aysing to, binmetag so baog to tan inmagos so dala.
Kuanda man ta say tigre onsebeg no nanengneng
toy dala; oniay agawad kinen Donya Consolacion a kanengneng tod inmagos a dala na papairapen to et lalon
sinmebeg a singa asuboan. “Sayaw ka, sayaw ka, kondinadan inayew! Ya angiter kay manges a kapalaran
ed biin angianak ed sika!” kuanton maningal; “Sayaw
ka no agmo labay a pateyen takad lewet!"
---------
(1) Ulango — Sakey a barrio ed Tanawan, Batangas, a nababalita ed panaggaway latikoy kabayo.
