“Asistente! Pinmaway lay sinyor?” kuanton tine pet ya inkasikasil.
Si asistente ta sininyasan nen alferez;
“On sinyora, pinmaway la,” kuanto.
Nangel dan akalek a malikeliket insan to inoyos so balewet. Nankalkalnan inmalagey si asawa to; linmokas na daiset imay pinto.....
Nangel so ampaipait ya eyag, say tanol na laman ya alaltog, samba ran makapataktakut, makakebiew iran tagloong, ayew, pekpek, bosis iran pagas............ Siopa natay makapangisalaysay no antoy agawad man ed ambilbilunget a silir ey?
Si asistente pinmaway ed kosina tan insinyas tod kosiniro so nagagawa.
“Natan ka, sikay manbayar nitan!” kuanen kosiniro.
“Siak? Akin lamet et siak ey? Say baley a so man bayar ! Tinepet to no imanla, agto tinepet no pinmawil, antoy ibagak sirin ey?”
