Anganko a las dies lay labi. Pigpigara la ray koitis a seselselan day totoo ya singa la mannginngiras so itatagey dan isasabid samay tawen ya ambilbilunget a kawalaan dan maliwliwawa a singa bilang balon linmesan bitewen, so pigaran globon papel ya agand niran impapatekiab. Say arum ed saraya ya pinaparakep na fuegos artificiales dinmadalang iran napnaplag a nanggawa ra lawari baleg a ulam, kanian anggad natan wala ni ran nanengneng so lalakin akabayo ed bobongan day kaabongan a nanaawit na timban napnoy danum tan Input iran ambasa ya impuputan ed andurukey a kawayan. Mapatpatnag iran napapaaninagan a singa ra bilang anyani ya inmaakseb ed tapew na dalin ya ombantay met ed panliliket day katoowan. — Dakdakel met so sineselselan a dalig na apuy, castillos, konwarin baka odino dueg iran apuy, tan sakey a balbaleg a bolkan a dinaeg tod karakpan so amin ya anengneng da lay taga San Diego.
Mamapaarap la ray totoo ed plaza ta onor la yan labi ya pangipaway na sarsuila. Wadman met ya indadatak so pigaran silew na Bengala ya mangiiter na dumaduman liwawa ed masaysayaksak a polopolok da ray totoon nanoulop; wala met ni ray ugugaw ya nansisilew na sinigit a kawayan a wadman iran kurongkurong lawari ed dika ya manaanap na nadokdok da ran bomba ran napnaplag bilang, odino ag pinmapaltog, balet ta katanol na togtog a tanday pangigapo lay sar suila, batik met laran amin ya inmarap met ed plaza.
Maliwliwawan maong imay balbaleg ya intablado; libolibon silew so inliliber ed saramay lusek to, inbibitin ed atep, tan impankokompog ed tambib na datal. Sa-
